XIX. MONTAIGNE (XVIe SIÈCLE

« En l’amitié de quoy ie parle, elles {les âmes) se meslent et confondent l’une en l’aultre d’un meslange si universel, qu’elles effacent et ne retrouvent plus la cousture qui les a ioinctes. Si on me presse de dire pourquoy je l’aymoys [La Boëtie), ie sens que cela ne se peult exprimer qu’en respondant : « Parce que c’estoit luy, parce que c’estoit moy. » Il y a, au-delà de tout mon discours et de tout cequei’en puis dire particulièrement, ie ne sçais quelle force inexpliquable et fatale, médiatrice de cette union. Nous nous cherchions avant que de nous estre veus, et par des rapports que nous oyions l’un de l’aultre, qui foisoyent en notre affection plus d’effort que ne porte la raison des rapports; ie croys par quelque ordonnance du ciel. Nous nous embrassions par nos noms : et à nostre première rencontre, qui feust par hasard en une grande feste et compaignie de ville, nous nous trouvasmes si prins, si cogneus, si obligez entre nous, que rien dez lors ne nous feut si proche que l’un à Taultre.

APPENDICE