XV. COMINES. (XVe SIÈCLE

Ledict seigneur vers la fin de ses jours fist clore tout a l'entour de sa maison du Plessix les tours de gros barreaulx de fer , et aux quatre coings de sa maison quatre moyneaulx de fer, bons, grans et espez . . . Est - il doneques possible de tenir ung roy pour le garder plus honnestement et en plus eslroite prison que luy mesmes se tenoit? Les cages ou il avoit tenu les autres ayoïent quelque huyt piedz en carré , et luy qui estoit si grand roy avoit une petite court de chasteau a se proumener ; encores n'y venoit-il gueres .... Si le lieu estoit plus grant que d'une prison commune, aussi esloit-il plus grant que prisonniers communs .... On pourroit dire que d'autres ont esté plus suspectionneux que luy, mais ce na pas esté de nostre temps , ne par adventure hom-

APPENDICE

me si sage que luy , ne qui eust si bons subiects , et avaient ceulx la par adventure esté cruels et tyrans , mais cestuy cy il n'a faict mal a nulz qui ne luy eust faict quelque offence. Je n'ay point dict ce qui dessus est dict pour seullement parler de suspection de nostre roy , mais afiin que ceulx qui viendroient après luy fussent ung peu plus piteux du peuple et moins aspres a puguir qu'il n'avoit este , combien que je ne luy veulx pas donner charge ne dire avoir veu meilleur prince ; et se il pressoit ses subiects , touteffois il n'eust point souffert que ung autre l'eust faict, ne privé ne estrange.