XVI. MAROT. (XVIe SIÈCLE

Au Roy, pour avoir esté desrobé.

Voila comment depuis neuf mois en ça Je suis traicté. Or ce que me laissa Mon larronneau, long temps a, l'ay vendu, Et en sirops et juleps despendu :

Ce neantmoins, ce que je vous en mande N'est pous vous faire ou requeste ou demande; Je ne veux point tant de gens ressembler Qui n'ont soucy autre que d'assembler : Tant qu'ils vivront, ils demanderont eux ; Mais je commence à devenir honteux , Et ne veux plus à vos dons m'arrester. Je ne dis pas, si voulez rien prester, Que ne le prenne. Il n'est point de pres-

teur , S'il veut prester , qui ne face un debteur ; Et sçavez-vous , sire , comment je paye? Nul ne le seait , si premier ne l'essaye. Vous me devrez, si je puis, de retour; Et vous feray encores un bon tour, A celle fin qu'il n'y ait faute nulle, Je vous feray une belle sedulle A vous payer (sans usure il s'entend) Quand on verra tout le monde content ; Ou, si voulez, à payer ce sera Quand vostre los et renom cessera.