XX. AMYOT. (XVIe SIECLE
« Il estoit ia sur le seoir quand il (Coriolan) y arriva ( à Anlium , ) et y eut plusieurs gens qui le rencontrèrent par
APPENDICE
les rues, mais personne ne le recogneut. Ainsi s'en alla il droit à la maison de Tullus , là où de primsault il entra iusques au fouyer , et illec s'asseit sans dire mot à personne , aiant le uisage couuert et la teste affublée: de quoy ceulx de la maison furent bien esbahis , et neantmoins ne l'ozerent faire leuer : car encore qu'il se cachast . si recognoissoit on ne sçays quoy de dignité en sa contenance et en son silence , et s'en allèrent dire à Tullus, qui souppoit, ceste es- Irange façon de faire. Tullus se leua incontinent de table , et s'en allant deuers luy , luy demanda qui il estoit , et quelle chose il demandoit. Alors Martius se debouscha , et après auoir demouré un peu de temps sans respondre, luy dit : Si tu ne me cognois point encore, Tullus, et ne crois point à me veoir, que ie sois celuy que ie suis , il est force que ie me decelle , et me descouure moy mesme.
Je suis Gaius Martius , qui ay fait et à toy en particulier, et à tous les Volsques en gênerai , beaucoup de mauls, lesquelz ie ne puis nier pour le surnom de Coriolanus que i'en porte : car ie n'ay recueilly autre fruict , ny autre recompense de tant de trauaux que i'ay endurez , ny de tant de dangers ausquelz ie me suis exposé , que ce surnom , lequel tesmoigne la malueillance que uous deuez auoir encontre moy : il ne m'est demouré que cela seulement ; tout le reste m'a esté osté par l'enuie et l'oultrage du peuple romain, et par la lascheté de la noblesse et des magistrats, qui m'ont abandonné , et m'ont souffert de chasser en exil , de manière que i'ay esté contraint de recourir comme humble suppliant à ton fouyer, non ia pour sauuer et asseurer mauie, mais pour le désir que i'ay de me venger de ceulx qui m'ont ainsi chassé , ce que ie commence desia à faire, en mettant ma personne entre tes mains. Parquoy si tu ascueur de te ressentir iamais des dommages que l'ont fait tes ennemis, sers toi maintenant, ie te prie, de mes calamitez, et fais en sorte que mon adversité soit la
commune prospérité de tous les Volsques , en t'asseurant que ie feray la guerre encore mieulx pour uous , que ie ne I'ay iusques icy faitte contre uous, d'aultant que mieulx la peuuent faire ceulx qui cognoissent les affaires des ennemis que ceulx qui n'y cognoissent rien. Mais si d'auenture tu te rends et es las de plus tenter la fortune , aussi suis-je quant à moy las de plus uiure , et ne seroit point sagement fait à toy , de sauuer la uie à un qui iadis t' estoit mortel ennemy, et qui maintenant ne te sçauroit plus de rien profiter ne servir." Tullus ayant ouy ces propos , en fut merveilleusement aise , et luy touchant en la main , luy dit: «Lieue toy, Martius, et aies bon courage: car tu nous apportes un grand bien en te donnant à nous: au moien dequoy tu dois espérer de plus grandes choses de la communauté des Volsques." Si le festoya pour lors, et luy feit bonne chère ; sans autrement parler d'affaires: mais aux jours ensuyvans puis après , ilz commencèrent à consulter entre eulx des moiens de faire la guerre.
(Fie de Coriolan).
