XIX. MONTAIGNE. (XVIe SIÈCLE

« En l'amitié de quoy ie parle , elles (les âmes) se meslent et confondent l'une en l'aultre d'un meslange si universel, qu'elles effacent et ne retrouvent plus la cousture qui les a ioinctes. Si on me presse de direpourquoy je l'aymoys(Za Boè'tie) , ie sens que cela ne se peult exprimer qu'en respondant:" «Parce que c'estoit luy , parce que c'estoit inoy." Il y a, au-delà de tout mon discours et de tout ce que i'en puis dire particulièrement , ie ne sçais quelle force inexplicable et fatale, médiatrice de cette union. Nous nous cherchions avant que de nous estre veus , et par des rapports que nous oyions l'un de l'aultre , qui faisoyent en notre affection plus d'effort que ne porte la raison des rapports ; ie croys par quelque ordonnance du ciel. Nous nous embrassions par nos noms : et à nostre première rencontre , qui feust par hazard en une grande feste et compaignie de ville , nous nous trouvasmes si prins, si cogncus, si obligez entre nous, que rien dcz lors ne nous feut si proche que l'un à l'aultre.