QUE SOUFFRIT LE ROY LOUIS

Apres tant de paour, et de suspicions et douleurs, nostre Seigneur feit miracle sur luy: et le guerist tant de l'ame que du corps, comme tousjours a accoustumé, en faisant ses miracles: car il l'osta de ce misérable monde en grand santé de sens et d'entendement et bonne mémoire , ayant receu tous ses Sacremens , sans souffrir douleur que l'on congneust, mais tousjours parlant jusques à une Patenostre^ avant sa mort, en ordonnant ^ de sa sépulture: et nommoit ceulx qu'il vouloit qu'ils l'acompaignassent par chemin : et disoit qu'il n'esperoit a mourir qu'au samedy, et que nostre Dame, luy procuroit ceste grâce, en qui tousjours avoit eu fiance, et grand' dévotion et prière: et tout ainsi luy en advint: car il deceda le samedy, penultime^ jour d'Août, l'an mil quatre cens quatre vingts et trois, à huict heures au soir, audict lieu du Plessis, ou il avoit prins la maladie le lundy devant. Nostre Seigneur ait son ame et la vueille avoir receuë en son Royaume de Paradis.

Philippe de Commines,

^ Deux mots réunis en un seul (Pater noster), dont le premier a gardé sa forme radicale primitive et dont le second a été francisé.

^ Mettre ordre à, arranger.

3 Avant dernier. — La terminaison ultime a été altérée en nîtième, par l'analogie qui fait que l'on a, dit cinquième, sixième etc.