Le 22. Voy. notre t. 1, p. j

1422] Chronique de Jean Raoulet. 173

toutes fois, pour ce qu'il estoit moult aimé de son peuple, tant qu'il a le nom perpétré de Charles le bien aymé, pluseurs de Paris lui firent honneur, et dévotement prièrent Dieu pour son âme par les esglises, à grande solempnité.

Alors estoit à Mehun-sur-Evre son seul fils et héritier, le Daulphin Charles, qui de ce nom fut Vile, roy de France, après lui ; lequel fist moult grant deuil, du décès de son père, et avec pluseurs seigneurs et ses gouverneurs comme dessus, fist faire le service moult hounorable et prières dévotes par toutes les églises de son obéissance, et fut nommé roy de France par tous les pais de Berry, Bourbonnoys, Lyonnois, Auvergne , Languedoc, Lymosin, Poytou, Touraine, Anjou, Berry et les environs. Et fist tenir son parlement moult auctentique par saiges hommes à Poitiers, lequel il avoit fait tenir par avant à Beziers ; et de par luy ès dis pais furent fais mandemens et autres choses appartenans à roy.

Il avoit petit sescours de princes de son sang et du royaume, car ils estoient presque tous mors et prins ès batailles , comme il appert dessus ; mais il eut avecques lui le conte a'Aumalle, le viconte de Narbonne , le conte de Bouchan et du Glas, avec pluseurs nobles Escoçoys; ceulx qui le gouvernoyent, comme dessus ; avec, aussi, autres vaillans cappitaines et chevaliers et gens d'armes , tant de son royaume que d'Espaigne et ailleurs, qui le sescouroient et aidoient à l'encontre des Anglois et Bourguignons , les-

Suels tenoient soubz eulx tous les pais du duc e Bourgogne, Flandres, Picardie, Normandie, France, Champaigne et les environs, presque

174 Chronique de Jean Raoulet. [1422]

tout oultre la rivière de Loire , par force et violence, et sans tiltre juste; avec tout le pais de Bourdeloys, partie des Lannes (landes), Bayonne, Labourt, et tout jousques en Navarre, qui estoit avec eulx conjoint, et aussi jousques en Espaigne.

Lesquelx Anglois et Bourguignons , après ce que Charles Vie roy fut enseveli ainsi que dessus, à Saint-Denis et ailleurs firent crier Vive le roy Henry, roy de France et d'Angleterre ! lequel n'avoit pas un an de aage, qui estoit né de dame Katherine de France et dudit feu roy Henry. Et ou nom de lui et de par lui se faisoit toutes choses grandes appartenant à roy ès dis pais à eulx obéissans. Pour lequel estoit régent de France le duc de Betfort, son oncle de père.

Pourquoy on puit bien ymaginer que le roy Charles Vile, ainsi environné d'ennemis si puissans et extrêmes , avoit moult à souffrir, et que, sans l'aide de Dieu , soubz la puissance duquel et par le vouloir duquel toutes créatures ont vertu , il ne leur pust résister. Mais, nonobstant, il n'eut pas le courage et son bon droit failli ; mais mist son fait et son bon droit ès mains de Dieu , lequel il servoit chaque jour moult dévotement. Et mena guerre contraire à grant et magnanime vouloir contre sesdis ennemis Anglois et Bourguignons. Et mist garnisons ès marches d'Anjou, du Maine, Tourame et les environs , le conte d'Aumalle , le viconte de Narbonne , et aussi lesdis seigneurs d'Escoce et le baron de Colonches, le seigneur de Lohéac, André de Laval, le seigneur de Baumanoir; avec pluseurs vaillans cnevaliers et gens de

(i4 2 0 Chronique, de Jean Raoulet. 17$

guerre , qui résistèrent fort contre lesdits adversaires. Aussi mist-il Poton de Saintrailles, avec cent lances garnies d'archers, à Guise en Thierasche, sur les marches de Hénault. Laquelle place il tenoit pour le roy et le conte de Guyse 1 , segond fils du duc d'Anjou 2 . Et aussi à Vitry, en Partois, se tenoit, pour le roy, Estevenot * de Vignolles, nommé La Hire, avec six vingts lances 4 fournies d'archers.

[Chapitre XIV. — Prise du comte de Vaudemont par La Hire. Affaire de Saint-Riquier.

Prouesses de Jean Raoulet.

Bataille de Cravant.]

Mais en l'an mil quatre cents vingt-trois J, le conte de Vaudesmont , qui estoit Bourguignon, assembla en Alemaigne , Lorraine et Bour-