Landes

14 Jean Chartier. [Juih 18-Oct.

Le dix-huictiesme 1 jour dudit mois de juillet, le roy en personne , et son ost , assaillirent ladite place de Cadillac, laquelle d'abord fut prinse et emportée d'assault. Là entra tout le premier dedens ung escuyer nommé Geoffroy de Sainct- Belin, bailly de Chaumont en Bassigny. Alors les Anglois se retrahirent dedens le chaste!, qui estoit très-fort. La nécessité les contraignoit à ce, veu qu'aultrement ils estoient tous perdus. Or, combien qu'ilz fussent retraiz et bien enfermez, néantmoins, par la puissance du roy, et le bon gouvernement de police qu'il avoit mis en son ost, qui estoit de mille lances et les archiers, il convint ausdits Anglois dire le mot 2 . Et pour ce se rendirent, le mois d'octobre ensuivant , tous prisonniers du roy ; et le cappitaine dudit lieu, nommé Gaillardet, eut la teste couppée.

Comment la ville de Bourdeaulx fut prinse sur les Anglois par composition , et comment plusieurs seigneurs du pays furent bannys.

Dedens la bastille de Lormont, qui estoit assise devant Bourdeaulx, estoient Monseigneur de Lohéac, mareschal de France, Monseigneur de Bueil, admirai de France; Messire Loys de Beaumont, séneschal de Poictou; Messire Jaques de Chabannes, grant maistre d'hostel du roy; Monseigneur le conte de Paintièvre ou