Ainsi

Messire Théaulde de Valpergue , Sire Jehan Bureau, trésorier de France et maire de ladite ville de Bourdeaulx. Outre quoy il laissa avec eulx plusieurs gens d'armes et de traict , archiers et arbalestriers, pour la deffense dudit pays : car de ce il estoit grant besoin et grant nécessité , veu la grant traïson qui par eulx avoit esté commise et perpétrée, ainsi qu'elle est sus-men # tionnée. Et comme la règle porte : Semel malus semper prœsumitur esse malus, il ne se falloit plus du tout fier en eulx , ains il estoit expédient de leur tenir le fer au dos, afin qu'ils fussent en plus seure subgection , et telle qu'ils n'eussent doresnavant plus l'occasion de se rebeller.

La prinse de Constantinople par les Turcs.

Audit an mille quatre cent cinquante-trois , le vingt-huictiesme de.may, fut prise la ville de Constantinople par les Turcs, en laquelle affaire furent tuez l'empereur de Constantinople , Jean- Justinian , Genevois , et tous ceulx qui firent résistance. Or, après que lesdits Turcs furent devenus les maistres et en possession paisible de ladite ville, ils se transportèrent ès églises, et spécialement en la maistresse et cathédrale, appelée Saincte-Sophie , là où ils trouvèrent plusieurs dames , damoiselles et femmes de grande authorité, et plusieurs autres filles vierges, lesquelles ils violèrent bien cruellement et vilainement. A cette prise, les Vénitiens perdirent vingtmille ducats, comme firent aussi les Florentins,

20 Jean Chartier. [ Avr ^4~S

et ceulx de la Marque ou Marche d'Ancône ; mais les Genevois y perdirent plus que tous les autres.