Chapitre

Comment les Chrestiens du païs de Hongrie et autres contestèrent sur le Turc et Sarrasins huit vingts cités et villes , quatre cent chasteaulx et autres forteresses; et en ladite conqueste faisant , furent tués } de nombre fort, deux cent mille Turcs.

En ce mesme temps mille quatre cent cinquante six , firent les Hongrois ou païs de Hongrie un grand ravage et butin sur les ennemis de la foy de Jhésucrist ; et par le conseil de frère Jean Capestram disciple jadiz de sainct Bernardin 2 , et par le conseil d'un puissant, sage et grand chevalier, appellé Messire Guillaume le Blanc ils furent mis hors et chassez de la cité de Belgrade 4, en laquelle il y avoit grand nombre de Turcs, lesquels furent tous tuez, jusques au nombre de quinze mille, et n'en eschappa homme que tout ne fust tué et mis à mort. Or vint le lendemain un grand nombre d'autres Turs , lesquels furent aussi vaillamment combatus par iceulx chrestiens ; tellement