Alias Beldrago

i4j6] Chronique de Charles VII. 67

qu'il y mourut derechef cent mille Turs entre le soleil levant et le soleil couchant. Là estoit en personne le soubdant de Pers », principal cappitaine de tous ces Turs , lequel voyant telle desconfiture estre sur ses gens , s'enfoyt avec peu des siens, sçavoir des gens de son ost, en une cité nommé Boile 3 , et de là en la terre de Grèce.

Après ce se transportèrent ledit chevalier blanc et toute sa compaignée devant ladite cité de Boile , laquelle fut par eux gaignée , et y mirent à mort deux mille Turcs. Puis en suivant leur bonne fortune , par la grâce de Dieu gaignèrent plusieurs villes, citez et chasteaulx, c'est à sçavoir la cité de Bastiliane , Wlgra ou Ulgara, Fastigia, Emère ou Estuere, et une autre cité nommée Augusta , qui est fort belle, en laquelle moururent et furent destruits quinze mille Turcs. En ces journées et exploits moru cinq mille chrestiens , que Dieu abseulle.

Depuis prindrent lesdits chrestiens encore la ville de Sainct-Vincent et celle de Valence, avec son chasteau; et tellement, que tout se rendit et fut converty à la foy catholique.

Oe faict , s'en allèrent iceux chrestiens plus avant, pour gaigner encor de plus en plus, et prindrent la ville et le chastel de Flagis ; puis emportèrent Ganaudello ou Gamadalo. Après prindrent Porrus ou Pourrous ; puis Stauenger ou Scanenger, et Gasconeu ou Thastoneuse I, là où furent destruits quatre mille Turs , et la cité