De Proufroit ou de ProufFront (Pomfret

48 Jean Chartier. [i4$4-

En ce mesme temps et an, Monseigneur le conte de Charolois, fils du duc de Bourgogne, espousa la fille du duc Charles de Bourbon. Et mourut lors Jehan, roy d'Espagne, en l'âge de cinquante ans , qui fut un grand dommage ; car il estoit bien bon , sage et prudent prince.

En iceluy an aussi mourut le pape Nicolas, qui estoit encores en la force de son âge ; mais il fut empoisonné , comme il fut trouvé quand il fut ouvert par les surgiens ' . Et fut esleu pape en sa place ung nommé Calixte.

En ce mesme an , au mois de février, le roy Henry d'Angleterre manda aulcuns des seigneurs de son pays, et leur remonstra comment le duc de Sombrecet et le duc de Glocester, ses propres parens, et de son sang,estoient prisonniers. Si vouloitque, s'ils n'estoient trouvez bien grandement chargez de cas criminel touchant l'authorité et la justice du roy', qu'ilz fussent délivrez. De quoy furent d'accord aulcuns d'iceulx seigneurs , et mesmement les maire et gouverneurs de la ville de Londres, en baillant bonne et seure caution d'ester à droict. Or, tost après la délivrance de ces seigneurs, ledit duc de Sombrecet revint en crédit et grande auctorité , tellement qu'il eut le total gouvernement du roy. Ce que voyant iceluy duc d'Yorc, se partit de la cour, et le plus secrètement qu'il peut s'en alla en son pays , se doutant fort que ce duc de Sombrecet ne luy voulsist faire dommage et desplaisir de sa personne en vengeance de ce qui s'estoit passé.

1 . chirurgiens; en anglois, surgeon. Voy. ci-dessus p. 40, note.