Chapitre

Comment le seigneur de Lesparre fut escartellé en la ville de Poi:tiers.

En ce mesme temps et an fut pris le sire de Lesparre, lequel autrefois, en allant contre son serment, avoit esté en Angleterre quérir les Anglois, pour remectre en leurs mains le pays de Bordelois. Et en ce fut traistre à son souverain seigneur le roy de France. Et combien que cette trahison fust advérée et toute manifeste , néantmoins, à la dernière reprinse de Bordeaux, le roy, se monstrant en son endroit bénin et miséricordieux, lui remit la vie, et fut seulement bany des pays de Guyenne et de Bordelois. Nonobstant quoy, du depuis, par l'instigation de l'ennemy de nature, soubs umbre d'un saufconduit, il pensa derechef remectre iceulx Anglois dans ledit pays Bordelois, comme plus faulx et desloyal traistre qu'auparavant. Mais, comme dit l'Escriture, Est nihil occultum, qnin sit quandoque repertum ' ; qui veut dire qu'aucune chose , tant soit elle secrètement faite et conduite, ne peut demeurer sans estre quelque jour sceue et descouverte, et ne peut estre longuement ung meffait impuny.

Icelles choses venues à la cognoissance du roy, fut prins icelluy seigneur et interrogé, puis mené et conduit en la ville de Poictiers, et sur ce

I. ( Godefroy). Ms. de Rouen : nichil tam occultum quia revcUtar.

Jean ChartUr. III. 4

50 Jean Chartier. [Mai

questionné et interrogué. Enfin, la chose estant par luy confessée , fut juridiquement condemné à mourir. A l'effect dequoy fut délivré au bourreau , lequel luy trancha la moitié et le moule de son chaperon ', c'est-à-dire la teste , puis il fut escartelé, mis en six pièces, et pendu en divers lieux *, comme on a accoustumé de faire en tel cas. Ainsi fut cette justice accomplie : ce fut à bon droit qu'il fut ainsi condamné, qui est et peut estre exemple à tous autres.