Chapitre

Comment le roy envoya aulcuns seigneurs

françoys ou pais de Rouargae contre

Monseigneur d'Armignac.

En l'an mille quatre cent cinquante cinq , ou mois de may, le roy envoya Monseigneur le conte de Clermont, Monseigneur de Lohéac, mareschal de France , et plusieurs aultres cappitaines en la conté d'Armaignac ; et pareillement envoya le conte de Dampmartin, le bailly d'Evreux et plusieurs aultres au pays de Rouargue , à l'encontre d'iceluy conte d'Armaignac, pour ce qu'il n'avoit point voulu obéir à mectre l'arcevesque d'Aux (Auch) en possession et saisine de cet arcevesché, nonobstant qu'il fust esleu à bon droict et de ce avoit obtenu ses bulles du pape ; mais vouloit ce conte d'Armagnac qu'ung nommé de Lescun >, contre

1, Métaphore ou plaisanterie populaire.

2. (Godefroy). Ms. de Rouen ; comme au cas appartenoit. j. Lestin ou Lustain { Jean d'Armagnac de Lescun).

tout ordre de droict, le fust; et l'avoit bouté par force en ladite cité, mesme luy en avoit fait prendre la possession oultre le gré et la voulenté du roy.

Et pource qu'iceluy conte y avoit ainsi posé ledit de Lescun de faict et de force , le roy, sur ce moult indigné, envoya gens d'armes devant la cité de Leictoure ou Lestore ' pour y mettre le siège. Laquelle se rendit incontinent à ses gens, ainsi que firent toutes les autres places de ladite conté, comme aussi celles de Rouargue et de Valdore. Et ainsi perdit ledit conte toutes ses terres pour icelle rébellion et désobéissance qu'il avoit faite au roy ; car c'est chose bien dure et téméraire que de résister à son seigneur, et regimber, comme il se dit, contre l'aiguillon -. Or cette exécution estant ainsi faicte, les susdits seigneurs et cappitaines s'en retournèrent ensuite chacun en son pays.