Alias Bauchery

excepté ceux qui les avoient veu auparavant, qu'elles fussent ainsi fondues et péries.

Item. Est allé en ruine par le mesme terremote ou tremble-terre la moitié du pays de la Fouille, c'est à sçavoir la moitié d'une cité nommée Troye, en laquelle est mort grand peuple.

Item. Est cheue par terre la plus grande partie des chasteau et ville de Canosse par ce tremble-terre.

Item. Les citez d'Ascoli et de Saincte-Agathe, le chasteau de Aopiti ou Arpin • et plusieurs autres.

Item. En la comté de Molesse sont fondues en abisme la cité de Campobasso, la cité de Laurentinol , le chasteau de Sainct-Lou , les chasteaux de Castime ou Castimo, et de la Rippe. Et aussi plusieurs terres de la comté de Alteville ^, fondues comme dessus, èsquelles sont bien morts vingt-huict mille personnes par supputation.

Item. En la cité de Naples a eu, à cause dudit tremble-terre, aulcun dommaige, spécialement davantage aux églises qu'es autres édifices de ladite ville, et dura ce tremblement de terre par l'espace de trois jours; et en aucunes parties plus longtemps. Or est à sçavoir que, depuis le quatriesme jour dessus dit jusques au septiesme inclus, sont bien morts cent mille personnes, comme il a esté rapporté par gens de diverses contrées qui sçavoient la chose estre vraye.

Item. A esté mis en ruine et destruit par ledit tremble-terre en une nuict le chasteau Sangtrinie, le chasteau Persolle ou de Prelose, et la roche