I. Buckingham

Jean Chartier. III. 7

98 Jean Chartier. [Oct. 10

duc d'Iorck, Richard Wideville et Jacques Haye, et qu'il ne le diroit ne ne le révèleroit à autre qu'à eulx. Et pour certiffier et approuver tout ce qu'il avoit donné en charge audit Hoîinton de dire à nosdits ennemys , et que au partement dudit Hoîinton, ledit d'Alençon lui bailla iectre de créance adreçans audit duc d'Iorck, signée d'une N. ' trenchée, contenant ceste forme : «Seigneur, vieullez croire ce porteur de ce qu'il vous dira de moy, et vous mercye de vostre bon voulloir; car j'ay bonne voullenté se à vous ne tient. » Disant avec ce, nostredit nepveu, qu'il estoit bien recors, en général, qu'il avoit baillé audit Hoîinton toutes les persuasions et coulleurs tant d'artillerie que d'autres choses qu'il avoit peu pour parvenir à ses fins.

Et après, pour exécuter ce que dît est> avoit envoyé ledit Hoîinton et Pouencé, son poursuivant, en Angleterre. Disant aussi ledit d'Alençon que, certain temps après, il avoit renvoyé ledit Thonmas Gillet, prestre, en Angleterre, et lui avoit donné charge de dire au duc d'Iorck ou audit Richard de Wideville, de par lui,ausdites ensaignes du poulce, l'estat du pays et les charges de nostre peuple, et de amener nosdits ennemys le plustost qu'ilz pourroient pour descendre en ce royaulme en la plus grant compaignie qu'ilz pourroient, et qu'ilz estoient bien meschans qu'ilz ne s'advançoient de venir, et qu'ilz n'avoient oncques eu si beau finer ne conquérir le pays, qu'ilz avoient.

Et que c'ilz avoient vingt mille hommes par