Matelas
6. Voyez, sur cette figure, la biographie de Fouquet , Revue de Paris, août 1857, p. 4J0.
Item. Avoient les gens du roy apporté un ciel de drap d'or auquel avoit huit lances pour le porter. Et à ladite Croix-au-Fiens, sur le chemin de Paris, vindrent huit des religieux de Saint- Denis, bien richement revestuz, prendre ledit ciel pour le porter dessus le coYps du roy jucques audit Saint-Denis. Maiz le grant escuier leur refusa à bailler, en disant que ce n'estoit point la coustume , et que ledit ciel ne se devoit point porter sur ledit corps parmy les champs, maiz se devoit porter parmy les villes seulleraent.
Et quant le corps fut à la porte de ladite ville Saint-Denis, fut faictc stacion, et là furent chantées trois oroisons , lesquelles se chantoient à chacune stacion. Et là fut baillé ledit ciel ausdits huit religieux, lesquels le portèrent jucques à Téglise par dessus ledit corps , en telle manière que on ne povoit veoir icellui corps tout à plain, c'est assavoir ladite figure ou représentation.
Item. Après l'enterrement dudit roy, eult grosse contradicion entre le grant escuier d'escuierie du roy et les religieux dudit Saint-Denis pour la pouelle qui estoit soubz ladite figure, pource que ledit escuier disoit que à eulx ne appartenoit. Et tellement que il convint que ledit drap fust mis en la main de Monseigneur de Dunoiz et de Monseigneur le chancellier de France. Finablement fut appoincté que ledit pouelle, lequel estoit de drap d'or vermeil, moult bel, demourroit en ladite église Saint-Denis , en disant par ledit grant escuier que se aucun droit y avoit, il le donnoit à ladite église Saint-Denis-en-France.
Item. Au regard du ciel , il dem.oura à ladite église Saint-Denis sans contradicion , avec vel-
120 Jean Chartier. [Août
loux , cendaulx, cires et autres choses. Maiz ilz remportèrent le drap de velloux noir à la croix blanche , lequel couvroit ledit chariot et toutes autres choses.
Item. Allèrent mondit seigneur de Dunoiz et ledit grant escuier par toutes les chappelles où il y avoit corps sains , et donnèrent à la décoracion des autels du drap de velloux et de satin à couvrir deux tables d'autel haut et bas.
Item. En melieu de la grant messe y ot une prédicacion que fist Maistre Thonmas de Courcelles ', docteur en théologie, à laquelle avoit erant peuple gémissant et priant pour ledit deffunct, lequel fut tiltré le roy Charles septiesme de ce nom , très viciorieulx.
Item. Après l'enterrement, fut crié sur la fosse : Dieu ait Vame de Charles septiesme très victorieiik^ comme dit est. Puis aussi fut crié à haulte voix : Vive Louis, roy de France. Et adonc jectèrent leurs verges sur la fosse les huissiers et autres sergens.
Item. Après tout le service fait, allèrent disgner en la grant salle de l'abbé , et y ot court plainière et ouverte à tous venans. Et d'icelle neure le disgner estant fait et les grâces dictes, Monseigneur le conte de Dunoiz et de Longueville dist à haulte voix que lui et tous les autres serviteurs avaient perdu leur maistre , et que ung chacun pensast à soy, et que chacun en son particulier pourchassât de soy pourvoir. A quoy furent plusieurs moult doulens et courroussés , et non sans cause. Et par espécial commencèrent les pages fort à pleurer et à gémir, et aussi firent plusieurs
