I . Plus connue sous le nom de Fête-Dieu

trois autres du conseil du roy. Ce duc d'Alen • çon fut ensuite mené en la ville de Melun, où Monseigneur le connestable alla pour le questionner et interroger sur aucun cas touchant le crime de lèze-majesté. De là, mondit seigneur le comte de Dunois et de Longueville porta nouvelle de sa prise au roy, vers leauel ledit duc d'Alençon fut mené tost après, d'autant qu'il respondit au susdit connestable tout plainement qu'il diroit au roy son faict, et non à autre.

Oudit temps 1456, le pape, voulant pourvoir de quelque remède pour contribuer en quelque sorte, de son costé , à la destruction et ruine des mescréans Turcs et autres allans contre la foy de Jésus Christ, donna et octroya des indulgences et pardons, exprimez en certaines bulles, en faveur de ceux qui combatroient contre eux, lesquelles bulles il envoya par toute la chrestienté » .