Voy. édit. Bellaguet, p. 309 à

mars 8] des grandes Chroniques. 215

blée ses gens d'armes le chastel de Beaumont en Beauvoisin, et misdrent grosse garnison dedens, qui empescheoit les vivres de venir à Paris. Tantost envoya le roy, ou au moins le duc de Bourgogne, le bastard de Tien ' avec grande armée de Bourguignons pour cuider recouvrer ce dit Beaumont. Mais ceulx de dedens les reboutèrent bien vaillamment et en tuèrent et prindrent pluseurs^.

Quant fut le huitiesme jour de mars ensuyvant, les gens de Monseigneur le Daulphin entrèrent dedens Soyssons par eschelles de corde et de boys, environ l'aube du jour, par le moyen d'aucuns de dedens qui leur donnèrent ayde. Quant ils furent dedens, ils misdrent à mort tout homme qui faisoit résistence. Aussi tuèrent-ils les guetez qui faisoient maie diligence de garder, et pluseurs gens meschans qu'ils trouvèrent dormant et qui estoient yvres, et qui aussi jouoient aux dez et semblables jeuz illicites et défendus. Puis après ilz ouvrirent la porte à leur embusche qui estoit au dehors, attendant affm qu'ils entracent. Quant ils furent paisiblement dedens, ils contraignirent les habitans à paier grande somme de deniers, et tendrent la ville en grande subjection. Aussi s'efforcèrent-ilz de prendre places et grever les Bourguignons; car sur eulx ils prindrent et pillèrent pluseurs cités et forteresses qui se disoyent au roy, combien qu'elles fussent au duc de Bourgogne ; car ses gens d'armes n'entendoientsinon à vivre voluptueuse-

1. Jean de Thien, dit le Bâtard, mort en 1439. Voy. Wavrin de Forestel, édit. Dupont, t. i, p, 294, note i.