AUas i

4 Jean Chartier. [Juillet 17

sur ce que iceux Anglois commencèrent fort à marcher sur eux et à les poursuivre pour approcher, cuidans que les François s'enfuissent et levassent ledit siège. Et fit lors iceluy Talbot, en attendant partie de ses gens de pié, défoncer et mectre une queue de vin sur les fonds, qu'il fit ouvrir, pour leur donner à boire et les rafraischir.

Et cependant arrivoirent les François sudit camp de toutes parts, et se misdrent en bonne ordonnance. Les canonniers aussi assortirent leurs bombardes, coulevrines et ribaudequins sur les fossez, devant la venue et en face d'iceulx Anglois. En ces entrefaites trouvèrent moyen ceulx estans dens ledit Castillon de mander audit Talbot qu'il s'advançast légèrement et promptement, et que les François s'enfuyoient. Mais quand il y fut venu, fut fort esbahy de voir tout le contraire, et les belles fortifications qu'avoient faictes lesdits François, tant de fossez, artillerie, que aultrement, en iceluy fort et parc, avec leur bonne et ferme resolution.

Là estoient, pour résister ausdits Anglois, Messeigneurs les mareschaux, l'admirai, le grant maistre d'hostel , le conte de Pantièvre , le séneschal de Poictou, le seigneur de La Bessière ', Sire Jehan Bureau et autres, lesquels estoient lors commissaires pour la conduite d'icelle armée et pour la mettre en bon ordre , combien qu'il y avoit plusieurs autres grants seigneurs en icelle compaignie, qui tinrent le champ sus-mentionné