Ou Silly . Ms. 9676, 2, a : Gilles de Plsle

I4J2] Chronique de Charles VII. 145

les gens de ladite ville sur les Angloiz qui devant icelle porte tenoient le siège. Et les François qui estoient dehors vindrent de l'autre part férir sur iceulx Angloiz , tant que presque tous iceulx Angloiz qui tenoient icellui siège furent mors et prins. Et entrèrent iceulx François dedans ladite ville avecques leurs vivres tout à leur bandon.

Et à icelle heure se partit ledit duc de Betheford et presque tout son ost, lesquelz tenoient le siège, devers le grant parc dont dessus est faicte mencion , pour cuider venir secourir iceulx Angloiz qui estoient devant ladite porte , et aussi pour empescher que lesdits vivres n'entrassent dedans ladite ville. Et lors se desmarchèrent par ordonnance presque la moictié desdits François pour venir courir sus audit duc de Betheford et son ost , et là eult plus grant escarmouche que devant , car bien souvent on ne savoit qui estoit ung ne qui estoit autre , tant estoient meslez les François et les Angloiz les ungz parmy les autres. Et se retirèrent les François qui estoient blécez à une bastille qui estoit tousjours fermée , et en sailloit au secours des autres à chacune foiz tel nombre que par lesdits cappitaines estoit ad visé.

Et faisoit icellui jour très grant chault , tant que iceulx Angloiz, qui presque tous estoient à pié , furent travaillez et mis en si grant alayne que plussieurs en moururent de chault en leurs harnoiz sans coup férir. Et durant icelles escarmouches se retira ledit duc de Betheford et son hoste bien en haste au grant parc cloz de fossez au bout du pont dont dessus est faicte mencion ,

Jean Chartier. I. 10

146 Jean Chartier. [ï43i-

et les François, d'autre part, se retirèrent à la bataille qui tousjours tenoit pié ferme, ainssi que dessus est dit. Et demoura ledit duc de Betneford avec son ost ou dit parc , et les François se logèrent ainssi qu'ilz avoient fait la nuyt devant; et le landemain, par la délibéracion des François, entra le sire de Gaucourt en ladite ville cle Laigny à certain nombre de gens , pour demourer à la deffence d'icelle ville contre lesdits Angloiz qui là devant estoient. Et prindrent leur chemin le bastard d'Orléans, le sire de Raiz et Rodigues de Villandras avecques leur ost contremont la rivière de Marne, et assez près de la Ferté-soubz-Jerre 1 firent passage sur ladite rivière de bateaulx en la France , et prindrent plussieurs petites forteresses, lesquelles ilz désemparèrent.

Et quant ce vint à la congnoessance dudit duc de Betheford , qui encores se tenoit devant Laigny-sur-Marne , lequel eult doubte que iceulx François eussent entreprinse sur la ville de Paris ou autre part à son grant préjudice , leva son siège moult hastivement et sans ordonnance , et là laissa ses bombardes , canons et autres artilleries avec grant nombre de vivres , et s'en alla à Paris. Et ses gens s'en allèrent , les ungtz par la Brye et les autres par la France 2 , en très grant désarroy. Et adonc saillirent ceulx de ladite ville de Laigny, et prindrent plussieurs Angloiz et gaignèrent plussieurs chevaulx et autres biens. Et ce venu à la congnoessance des dessus dits