EAN Chartier. Ij

grant néccessité de vivres , et pour ceste cause fist le roy de France une armée pour secourir iceulx assiégez. De laquelle estoient chiefz le bastard d'Orléans, le sire de Raiz, mareschal de France , ung cappitaine espaignol nommé Rodigues de Villandras ! , et le sire de Gaucourt. Lesquelz à çrant puissance vindrent passer la rivière de Saine à Melun, et tant chevauchèrent qu'ilz se vindrent mettre en bataille environ ung quart de lieue de Laigny, où estoit ledit siège, et ce jour y ot plussieurs grandes et merveilleuses escarmouches, tant à pié que à cheval, et se tenoient tousjours les Angloiz en leur siège, lequel estoit cloz et fossoyé , et ainssi se passa ce dit jour. Et ce logèrent iceulx François près du lieu où ilz estoient en bataille, proche de lorée d'un petit boys.

Et le lendemain se retirèrent et remirent iceulx François en bataille, cuidant que iceulx Angloiz les voulissent assaillir, et n'estoient pas conseillez d'attaquer iceulx Angloiz en leurs fortiffiemens. Et recommencèrent de rechief les escarmouches à pié et à cheval , plus fortes que devant, et y ot plussieurs Anglois et François mors etprins. Entre lesquelz fut mort ung chevallier nommé sire de Sentrailles, et une autre chevallier françois nommé Messire Gilles de Sillé 2 y fut fait prisonnier. Et estoient garniz lesdits François de grans

3uantités de vivres , lesquelz furent portés en laite ville par au longe de la rivière au dessous de ladite ville , à une porte par laquelle saillirent