Chapitre
Une coursse d } Angloiz devant Saint-Célerin.
En ce mesme an , le premier jour de may, les Angloiz de la garnison de la Fresnay-le-
Viconte vindrent courir et apporter le may devant le chastel de Saint-Célerin , duquel estoit cappitaine Messire Ambrois sire de Loré, mareschal du duc d'Alençon. A Rencontre desquelz Angloiz vindrent saillir les gens dudit sire de Loré , combien que lesdits Angloiz n'aprouchèrent point plus près que d'un trait de canon , lequel les engarda , et tantost après le sire de Loré monta à cheval pour aller courir devant iceulx Angloiz de Fresnay, qui estoient de trois à qua T tre cens combatans , et en estoit cappitaine ung Angloiz nommé Thonmas Abourg , et mareschaf ung autre Angloiz nommé Rafle Godeston. Et leur fist ledit sire de Loré porter le may jucque* dedens la barrière dudit Fresnay.
A l'encontre desquelz François , ainssi portans le may, les Angloiz, qui estoient armez et leurs chevaulx sellez pour monter à cheval et courir sus à ceulx qui devant eulx povoient courir et apporter le may, car bien se doubtoient que on leur rapporteroit le may gue ilz avoient porté devant ledit chasteau de Saint-Célerin , lesquelz, veu le nombre qu'ilz estoient, se tenoient si puissans qu'il leur sembloit bien que nulz Franois ne les povoit grever. Et se mist ledit sire e Loré en une embusche à cheval le plus près de la barrière qui peult sans soy descouvrir, et envoya icellui sire de Loré un escuier nommé Armenge, son lieutenant, avec sept ou huit vingtz combatans à pié, eulx mettre en pays descouvert, et eulz garniz chacun d'un foullart pour eulx couvrir, affin qu'ilz ne fussent aperceulx de la guette dudit Fresnay quant ilz passeroient par lieu descouvert. Et tant cheminèrent iceulx à
mm*ifftinw*m
i }6 Jean Chartier. [ ! 4J2
pié qu'ils s'en vindrent tous couchier desrière une haye près de la barrière dudit Fresnay d'un demy trait d'arc.
Et tantost arivèrent les coureurs dudit sire de Loré avec le may, lequel ilz rapportèrent jucques encontre la barrière dudit Fresnay.
Adonc saillit icellui mareschal avec presque tous les autres Angloiz de la garnison dudit Fresnay, et rechassèrent iceulx coureurs jucques au lieu où ledit sire de Loré estoit en embuscade. Et adonc se mist icellui Jehan Armenge avec les autres François estans à pié entre la barrière dudit Fresnay et lesdits Angloiz. Sur lesquelz Angloiz charga ledit sire de Loré , et bien se cuidèrent rentrer en ladite place de Fresnay. Maiz ledit Jehan Armenge et autres à pié qui estoient entre eulx et leur place de ce les empeschèrent, et là oult fait de grans vaillances tant d'un costé que d'autre. Et estoit le pays estroit tant que iceulx Angloiz ne se povôient escarter que ilz ne passassent par où estoient lesdits François à pié. Et finalement furent iceulx Angloiz desconfiz par ledit sire de Loré et ses gens. Et y en ot grant nombre de mors et de prins, entre lesquelz furent prins ledit Rafle Hodeston, mareschal dessus ait, le filz Thonmas Abourg, Angloiz, et plussieurs autres, et bien pou en eschappa d'icelle besongne qu'ilz ne fussent mors ou prins.
Et ce fait, s'en retourna ledit sire de Loré avecques ses gens audit lieu de Saint-Célerin à tout leur prinse. Ung pou après vindrent courir les Angloiz de la garnison Saincte-Suzanne devant Sillé-le-Guillaume, et y mirent uneembusche par
04Î 1 )] Chronique de Charles VII. 157
laquelle furent prins plussieurs François dudit Sillé. Et d'aventure survint audit lieu de Sillé ledit Messire Ambrois sire de Loré à bien deux à trois cens combatans françois , par lequel furent desconfitz lesdits Angloiz , et y en ot de mors et de prins de huit vmgtz à deux cens. Et furent chassez par ledit sire de Loré ceulx qui peurent eschapper jucques ès barrières dudit Saincte-Susanne. Et ce fait, se loga icellui de Loré avec ses gens et leur prinse en villaige dudit lieu de Sillé.
