Ms. 9676, 2, a. Godefroy : La Feugère

ij4 Jea n Chartier. [mai

pays du Maine, à bien de soixante à quatrevingts combatans. Et vindrent les Angloiz par nuyt de la garnison de Mayenne-la-Juhez férir sur son Ion logiz , et se combatirent ensemble moult vaillanment, et finablement furent les Angloiz desconfilz.

Et y estoit ung homme d'armes François nommé le bastard Bois-à-Prestre , lequel ' se bouta et mucha en ung buisson , et après s'enfuyrent deux Angloiz qui pareillement se boutèrent en celui buisson mesmes. Et quant ledit bastard les aperceult, il leur demanda : «Qui est là ? » Et les Angloiz respondirent : « My, maistre; nous nous rendons à vous , sauvez nous la vie. » Lequel entendit bien que les Angloiz estoient desconfilz, et les mena devers ledit Saint- Aubin et autres ses compaignons, qui vaillanment avoient combattu. Et ce venu à la congnoessance dudit Saint-Aubin, lui osta lesdits deux prisonniers angloiz. Et de ce meult procès par devant Messire Ambrois de Loré , maresclial dudit d'Alençon, soubz lesquelz ils estoient. Et juga que icellui bastard n'auroit rien ès dits deux prisonniers. Et se n'eust esté la faveur d'aucuns ses amys, il l'eust fait griefment pugnir de ce meffait.