Pour la solde

}. Cervoise.

Et y avoit grant quantité de caques deffoncées tout autour des murs. Parquoy fist ledit mareschal et autres de sa compaignie composition avecques les Angloiz , par laquelle ilz dévoient avoir trois sepmaines de trêves pour actendre secours. Et se dedens ledit temps leur secours ne venoit, ilz dévoient laisser la place, et eulx en aller eulx et leurs biens saufz. Et pour ce qu'ilz savoient que ledit bastard avoit grant compaignie sur les champs, et aussi qu'ilz avoient gaigné Meulenc, doubtant qu'ilz ne fussent secoureuz , firent une merveilleuse deffence tout à l'entour du siège, et firent fortifficacion telle, que par bastardeaulx la rivière estoit espandue aux champs et si avant qu'elle redondoit dedans la ville près de la porte de Chastelet, qui est assise devant la grant église ; et oultre ce, y firent quatre grosses bastilles , l'une entre les deux moulins , sur le pont par où l'on va à l'Espineul ; l'autre entre aeux arches lès la porte de Pontoise; l'autre emprès la cousture, et l'autre à la Becalone. Et estoient toutes fermées d'eau.

Et ainssi en deffault de secours , lesdites trois sepmaines passées, rendirent ladite ville et s'en allèrent eulx et leurs biens qu'ilz peurent emporter. Laauelle ville les Aneloiz tirent désemparer et atatre la muraille d'icelle , et ne demoura de fortifficacion que l'abbaye et une tour dedens icelle qui est appelée la tour du Velin ou Venin , dont fut fait cappitaine une escuier nommé Brichanteau , nepveu de Messire Simon Morhier, prévost de Paris.

184 Jean Chartier. [UîS]