Estimation du nombre des personnes

208 Jean Chartier. [Sept.

convencion c'om saiche avoir esté de longctemps.

Et estoit le siège devant Saint-Denis , tel que dit est , durant ladite convencion et assemblée. Après laquelle conclusion de ladite assemblée fut par lesdits héraulx et poursuivans dessusdits criée la paix. Et se partit chacun endroit soy où bon leur sembla porter les nouvelles, et non pas en cas criminel. Et ne voulloit pas le conte de Ligny, nommé Messire Jehan de Luxembourt, faire le serment de la paix pour celle heure , maiz demanda terme jucques à quinze jours après Pasques , pendant lequel temps il ne devoit point faire guerre ne lui ne ses gens. Et le terme venu , il fist le serment , lui et ses gens , pareil aux autres. Et au département de ladite assemblée cuida venir monseigneur le connestable à tout grant armée secourir les assiégez de dedens Saint-Denis , et fut jucques au pont Tibu- Ion >, qui est à une lieue dudit Saint-Denis; maiz il estoit trop tard, car il estoit jà rendu.