Chapitre

Siège mis par les Angloiz devant le chasteau

du Crotté » .

En ce mesme temps ensuivant, le duc de Bourguongne fist mettre une bastille devant le chasteau du Crotté qui se tenoit par les Angloiz, en laquelle bastille estoient Messire Jehan de Crouy et plussieurs autres chevalliers et escuiers de Picardie , jucques au nombre de six ou sept cens ou environ, ainssi c'om disoit.

Lesquelz se tindrent en Pobbéissance du roy de France par l'espace de six ou sept sepmaines. Pour lequel chasteau secourir les Angloiz firent une armée en Normendie et vindrent passer à la Blancque-Tacque 2 la rivière de Somme. Et sitost que ceulx de la bastille sceurent la venue desdits Angloiz, laissèrent et habandonnèrent ladite bastille , en laquelle ilz laissèrent partie de leurs harnois et habillemens, et s'en allèrent en très-grand désaroy.

Une grant mortalité, pestilence et famine à Paris*

En icellui an, ou temps d'esté, fut si grant mortalité et famine à Paris que on disoit que