La Blanque-Taque

246 Jean Chartier. [143S

il y estoit bien mort cinquante mille personnes, et y valloitung septier de blé neuf frans de bonne monnoye, et s'enfuyoient les gens du plat pays à Paris , tant pour la famine que pour les oppressions que leur faisoient les Angloiz, et aussi les garnisons des François, qui les traitoient très durement. Et maintenoit- on que d'iceulx povres gens mourut bien autant de faim à l'ostel Dieu de Paris comme il fist de mortalité. Et s'en allèrent de ladite ville de Paris , pour icelle mortalité , le conte de Richemont, connestable de France, et presque tous les gens d'estat de ladite ville , fors Messire Adam de Cambray, premier président de parlement, Messire Ambrois, sire de Loré, prévost de Paris, et Messire Simon Charles, président de la chambre des comptes, lesquelz demourèrent pour tout icellui temps en grant crainte et doubte de leurs personnes pour icelle mortalité, et aussi en grant paine de garder icelle ville contre les Angloiz.

Lesquelz estoient fors en plussieurs garnisons et couroient devant les portes de Paris, toutes les sepmaines, par nuyt et par jour, et failloit faire grant guet ; et souventeffoiz, plussieurs gens d'estat cjui avoient esté au guet estoient prins de Tespédimie 1 qui couroit, lesquelz soudainement estoient mors. Parquoy chacun doubtoit moult à faire le guet, et souventeffoiz venoient courir les gens d'armes des garnisons françoises devant Paris , prendre le bestail et vivres dont dévoient vivre les povres gens. Et disoient que c'estoit pour ce qu'ilz n'estoient point paiez de leur