Chapitre i

28 Jean Chartier. [12-24 nov.

non et il laissoit aucun hoir masle de sa dite espouse, après le déceps du dit roy de France, se ledit enfant vivoit il seroit roy de France , en déboutant de tous pointz Monseigneur le daulphin, vray héritier naturel dudit royaulme, comme tout ce est contenu plus au longe ès cronicques précédentes

Or est vray que après le déceps desdits deux roys , lesauelz trespassèrent , c'est assavoir le roy d'Angleterre le desrenier jour d'aoust , et le roy de France le xxi* 2 jour d'octobre prochain ensuivant ou dit an, y avoit ung enfant du dit roy d'Angleterre et de la fille de France, nommé Henry , pour lequel estoit tenu et gouverné la plus grant part du royaulme de France, icelluy enfant aagié d'un an ou environ. Parquoy fut crié sur la fosse de son dit feu grant père à haulte voix : Vive le roy Henry, roy de France et d'Angleterre! et fut crié Noël! des assistens confortans les dits Angloiz. Maiz la plus saine partie plouroit et gémissoit, eulx considérans la grande begnignité gui avoit esté ou dit roy de France nommé le Bien aimé et considérans les énormes maulx qui leur povoient venir par la mutacion de leur seigneur naturel, et que ladite seigneurie se gouverneroit par estranges manières et nacions, qui estoit et est contre raison et ordre de droit, à la totalle destruction du peuple et du royaulme de France.

1. C'est-à-dire dans l'Histoire de Charles VI, dite du Religieux de Saint-Denis.