Chapitre ii

Autre siège mis à Ardenon.

En ce mesmes temps ensuivant fut mis par les Angloiz une bastille à Ardenon , à une lieue du Mont-Saint-Michiel. Et estoient les Angloiz coustumiers estans en icelle bastille de saillir chacun jour à l'escarmouche , à la requeste des François estans ou dit Mont-Saint-Michiel , ès grèves de la mer. Et pour ce fut faite une entreprinse par messire Jehan de la Haye, baron de Coulomces, lequel estoit pour lors cappitaine de Maienne-la-Juhez, qui estoit loingtz a'icelle place du Mont de quinze lieues. Et selon ce qu'il avoit acoustumé de faire , vint icelluy baron de Coulomces , environ deux heures après midi , ainssy qu'il estoit demouré d'appoinctement avec ceulx du dit Mont-Saint-Michiel , et trouva iceulx Angloiz de la bastille en la grève. Lequel mist entre eulx et leur dite bastille , desquelz ilz furent mors et prins environ de douze-

40 Jean Chartier. [Août

vingts à deux cens. Et y fut prins ung chevallier angloiz nommé Messire Nicolle Bourdet et autres plussieurs, etc, etc.