Chapitre \i
La bataille de VernoiL
En celle saison dessendi en royaulme de France le conte Duglas à la Roche (la Rochelle) , pour venir secourir le roy de France et son dit royaulme, lequel fut reçeu par le dit roy moult grandement et honnourablement, SX luy donna, le dit roy, la duché de Thouraine, et avoit bien en sa compaignie le dit conte Duglaz , ainssy que on disoit, de quatre à cinq mille combatans. Et advint une peu de temps après que le duc de Bethefort , lequel se nommoit régent du royaulme de France, mist le siège devant ung chastel en Normendie nommé Yvry, et là fut devant de trois à quatre moys , et fut prins appoinctement entre le dit duc et le dit cappitame du dit lieu d'Yvry, lequel estoit gascon , nommé Girault de la Paillière , c'est assavoir, que icelluy Girault luy rendroit icelluy chasteau avec la ville dedens certain jour et terme , ou cas que du roy de France ne seroit secouru.
Lequel Girault de la Paillière fit savoir au roy de France icelle composicion et appoinctement , en luy requérant que il luy pleust donner secours, ou autrement il estoit contrainct de bailler et livrer au dit duc de Bethefort iceulx chasteau et ville d'Yvry. Et ce venu à la con-
gnoessance du roy de France , ordonna et délibéra par son conseil de envoyer pour secourir iceulx ville et chasteau d'Yvry le duc d'Alençon, le conte Duglaz, le conte de Beaucamp 1 , connestable de France , le comte d'Aumarle , le viconte de Narbonne et plussieurs autres. ,L,esquelz à bien grant ost se partirent de la ville de Tours et prindrent leur chemin vers les dits ville et chasteau d'Yvry et vindrent logier devant Chartres , qui estoit et tenoit le party des Angloiz, et de là vindrent logier en ung village près de Dreux , nommé Mannacourt 3 , et là sçeurent certaines nouvelles, que le dit chasteau et ville d'Yvry estoient rendus et livrez au dit duc de Bethefort. Et de là furent conseillez les ditz ducz d'Alençon , le conte Duglaz et autres , de tirer vers la ville de Vernoil, laquelle estoit desgarnie de gens. Et tantost qu'ilz furent devant, la dite ville se mist en l'obéissance du dit duc d'Alençon , auquel elle estoit par droit de heritaige, sauve la tour, qui tantost après se rendit par composicion, et en furent envoyez les Ançloiz, eux et leurs biens, et demeura toute icelle entièrement en la main du dit duc d'Alençon.
Et fut tenu conseil pour savoir que on avoit affaire au surplus. Et furent plussieurs d'oppinion qu'on mist grosse garnison en la dite ville de Vernoil contreles Angloiz, et que les ditz ducz d'Alençon, conte Duglaz et autres, avec l'armée, allassent essayer à recouvrer aucunes forteresses ue tenoient les Angloiz, lesquelles estoient espourveues de gens, et que, veu que ladite
