Nonancourt

42 Jean Chartier. [Août

ville et chasteau d'Yvry estoient renduz, il n'estoit point de nécessité de combatre pour icelle heure ne de donner bataille, qui estoit Poppinion du conte d'Aumarle , du viconte de Narbonne et de la plus grant partie des chevalliers et escuiers qui savoient parler de telz matières. Et Poppinion du conte Duglatz, du conte de Bouhain, connestable de France, et autres escoz, estoit tout au contraire. Et en disant et parlant cora avoit affaire , vint nouvelles que le dit duc de Bethefort estoit logié à trois ou quatre lieues du dit lieu de Vernoil et que il venoit pour combatre, et adonc ne fut plus sur ce tenu conseil, et à l'appétit et volonté d'iceulx escotz et de plussieurs fut conclud la bataille.

Et ung jeusdi matin , après la my aoust, se mirent aux champs, les ditz duc d'Alençon et conte Duglatz et autres dessus nommez, et se mirent en ordonnance et en bataille assés près de la ville de Vernoil, et ordonnèrent gens à cheval aux deux costés de leurs batailles, et tantost après vint le duc de Bethefort , le conte de Sallebry, le conte de Suffort , à bien grant armée dessendre à pié, et se mirent en bataille devant icelluy duc d'Alencon et autres François, et marchèrent les dites âeux batailles les unes contre les autres ; et quant ilz furent aprouchez du trait des archers les ungz des autres , les gens à cheval pour ferir sur les Angloiz , lesquelz estoient d'un costé et d'autre, ainssy c'om disoit, de quatre à cinq cens lances de Lombars , lesquelz férirent plus sur le baigaige et charroy qu'ilz ne firent

i . Après le 1 5 août.

sur les archers, qui estoit leur principalle charge ; et l'autre compaignie de l'autre costé, qui estoient environ deux cens lances, férirent tout droit sur les archiers de leur costé, lesquelz archiers l'on nombroit à trois mille, avec deux cens lances, lesauelz furent tous desconfilz par iceulx gens à cheval ; et cuidoient iceulx gens à cheval que toute la bataille fust gaignié pour les François, pour ce qu'ilz avoient bien fait et exécuté ce dont ilz avoient la charge.

Et finablement , ledit duc de Bethefort et autres Angloiz gaignèrent la bataille, et ilz furent mors le conte Duglas et James son filz; le conte de Bouhain , connestable de France ; le conte d'Aumarle, le viconte de Narbonne, le conte de Ventadouf, le sire de Graville , le sire de Beausault, Charles Lebrun, Messire Guillaume de la Palu et plussieurs autres, jucques au nombre de troisàquatremillehommes. Ety furent prinsleduc d'Alençon, le bastard d'Alençon, le sire de Fayette, mareschal de France, et plussieurs autres. Et le landemain fut rendue la ville de Vernoil , en laquelle estoient retrais plussieurs François , lesquelz s'en allèrent tous avecqz leurs biens.