Chapitre

Embusche de François sur les Angloiz.

EEn ce temps le conte de Sallebery estoit en chemin pour aller mettre le siège devant le Mans, ainssy que cy après à plain est desclairé. Et ce venu à la congnoessance de messire le Porc, François, cappittaine de Mayenne la Juhez, se partit dudit lieu à bien de huit vingtz à deux cens combatans, et ala mettre une embusche près de Sées en Normandie, sur le chemin dudit conte de Salbery et son ost , et férit sur plus* sieurs Angloiz qui chevauchoient devant la bataille, car de rien ne se doubdoient, desquelz il y oult grant nombre de mors et de prins.

Et ainssy se départit le cappitaine et enmena ses prisonniers avecques luy, sans trouver aucune contradicion, empeschement ou résistence.

Siège mis au Mans.

Tantost après, le conte de Salbery, Angloiz r vint avec erant ost mettre le siège devant la cité du Mans , de laquelle estoit cappitaine le sire

de Tucé , et y furent assises plussieurs grosses bombardes oui abatirent grant partie de la muraille, près de Pevesque cTicelle cité. Et finablement fut rendue et livrée icelle cité du Mans au dit conte de Salbery par composicion , et s'en allèrent les gens d'armes et aultres qui se vouldrent aller, et ceulx qui voulurent demourer demourèrent en l'obéissance d'iceulx Angloiz. Et pour les fraitz du dit conte de Salbery paierent les dits François estans en la dite ville mille et cinq cens escuz d'or.