Chapitre

Autre siège mis à Saincte-Susanne.

La dicte cité du Mans ainssy prinse comme dit est , le dit conte de Salbery vint mettre le siège devant ledit chastel et ville de Saincte- Susanne ou dit pays du Maine , desquez chastel et ville estoit cappitaine Messire Ambrois, sire de Loré. Et fist icelluy conte de Salbery asseoir et assortor neuf grosses bombardes et plussieurs gros canons et vouglaires , lesquelles bombardes et canons après huit ou dix jours commencèrent à tirer incessamment jour et nuyt , et tellement qu'ilz abatirent les murs de la dite ville plus loingz que le trait d'un arc , et y fist-on plussieurs saillies et escarmouches d'un costé et d'autre. Et finablement fut contrainct le dit chevallier et autres de la dite place de rendre iceulx chastel et ville au dit conte de Salbery, et perdirent iceulx chevalliers et ses compaignons tous leurs biens et leurs prisonniers , et s'en allèrent, après

46 Jean Chartier. [1424]

la dite place rendue , tous à pié. Et pour les fraitz du dit conte de Salbery fut contrainct le dit chevallier à luy paier la somme de deux cens escuz d'or.