De ciler, tenir secret

l 4 2 9] Chronique de Charles VII. 7$

ceste cj » ; et alloit et venoit par la place sans soy seoir. Et tantost le bastard d'Orléans luy dist telles parolles ou semblables en substance : «Jehanne, ne vous couroucez pas, on ne vous peult pas tout dire à une foiz ; ce que le chancellier vous a dit est ce qui a esté conclud et appointé. Mais se ceulx de l'autre costé de la rivière de la Solongne se désemparent pour v£nir aider à la grant bastille et à ceux de par deçà , nous avons appoincté de passer de là la rivière de l'autre costé pour besongner ce que nous pourrons sur ceulx de par delà , et nous semble que ceste conclusion est bonne et prouffitable. Et lors respondit Jehanne la Pucelle qu'elle estoit contente et qu'il luy sembloit que celle conclusion estoit bonne , maiz qu'elle fust ainssy exécutée.

Et touteffoiz de celle conclusion ne fut riens fait ne exécuté, et bien souvent estoient ledit bastard et autres cappitaines ensamble pour conseiller ce qui estoit à faire. Et quelaue conclusion qu'ilz prinssent , quant icelle Jehanne là Pucelle venoit , elle concluoit aucune autre chose ou contraire et contre l'oppinion de tous les cappitaines, chiefs de guerre et autres qui là estoient. Et faisoit souvent de telles entreprises sur les ennemis, dont tousjours bien lui prenoit, et n'y fut fait guaires de chose de quoy il faille parler que ce ne fiist à l'entreprinse d'icelle Jehanne la Pucelle. Et combien que cappitaine et autres gens de guerre exécutassent ce quelle disoit, ladite Jehanne alloit tousjours à l'escarmouche armée de son harnois , combien que ce fust contre la voulenté et oppinion de la plus

76 Jean Chartier. [Mai

grant part d 'iceulx gens de guerre , et montoit sur son courssier toute armée aussy tost que chevallier qui fust en la cour du roy ; de quoy les gens de guerre estoient couroucez et moult esbahiz.