Chapitre
La prinse des boulevers et bastille du bout du pont.
Il advint ung jour, après plusieurs grans escarmouches et prinses de plussieurs bastilles dudit siège , icelle Jehanne la Pucelle voulut passer la rivière de Loire à puissance devers la Soloigne pour besongner sur les Angloiz qui tenoient le siège au bout du pont d'Orléans. Lesquelz estoient logez aux Augustins et en boullevart et bastille du bout du pont, et à bateaux fist passer grand nombre de gens et presque tous les cappitaines dessus nommez , et iceulx dessenduz à terre vindrent au bout d'icellui pont où estoient logez environ de sept à huit cens Angloiz , lesquels ne saillirent aucunement dehors pour faire aucune escarmouche jucques à ce que icelle Jehanne la Pucelle , les cappitaines et autres gens se vouldrent retirer pource que il estoit presque soleil couchant.
Et pour ce que iceulx Angloiz virent cjue on remontoit les bateaulx pour repasser la rivière r saillirent de l'ostel des Augustins et du bout du pont , et vindrent treffort charger sur les François, tant que icelle Jehanne la Pucelle et les cappitaines qui là estoient furent contrains d'eulx deffendre et vindrent charger sur iceulx Angloiz. Lesquelz estoient eslongnés de leurs forte-
resses bien environ le trait de trois erbalestes, et tellement qu'il en y ot plussieurs mors et prins et furent reboutez par les François en l'ostel des Augustins, lequel ils avoient fortiffié. Et d'icelle heure fut prins d'assault sur iceulx Angloiz , et se retraire du tout en boullevert et en la bastille du bout du pont , devant lesquelz boulleverts et bastille demourèrent toute la nuyt ladite Jeanne la Pucelle , le bastard d'Orléans , le sire de Raiz , le sire de Loré et plussieurs autres cappitaines , et le landemain au matin commença l'assault au boullevert dudit pont. Auquel boullevert et en la bastille estoient deux barons d'Angleterre, l'un nommé le sire de Moulins, et l'autre le sire de Bunnis ou Pounis , et ung escuier bien renommé de vaillance , nommé Guillaume Gassidal , lequel on disoit qu'il estoit gouverneur et conduiseur de tout icellui siège.
Et estoient en' iceulz boullevert et bastille environ de cincj à six cens Angloiz , lesquelz furent tout icelluy jour assailliz , les estandars tousjours sur le bort du fossé , et plussieurs foys aucuns estandars et gens de guerre dessendoient et montoient contre iceulx Angloiz à combatre main à main, et puis estoient reboutez par iceulx Angloiz en fossé , et tousjours disoit icelle Jehanne la Pucelle que chascun eust bon cœur et bonne espérance en Dieu, que l'eure s'aprouchoit que iceulz Aneloiz seroient prins. Et icelle ung pou après midi navrée d'un vireton en icellui assault parmy l'espaulle, et ce non obstant oncques ne se voult retirer ne bouter hors dessus le bort d'icellui fossé. Et environ soleil couchant tout en ung moment entrèrent lesditz François
Jean Chartier.
[Mai
ès fossez de toutes pars, et montèrent à mont en boullevert et le prindrent d'assault. Et furent mors lesditz sires de Moulins et Bommis , ledit Guillaume Glassidal et plussieurs autres , jucques au nombre de quatre cens ou environ et les autres prisonniers. Et celle nuyt logèrent ladite Jehanne la Pucelle et les cappitaines dessus nommez avec leurs gens d'icelui costé de la Soloigne, car Hz ne povoient pas retourner en ladite ville d'Orléans sinon par bateaulx , pour ce que les pontz estoient rompuz.
