CHAPITRE GXLVIII

Des ambassadeurs par lesqueh le daulphin envoya faire obéissance au pappe Martin; et des lettres du pappe publiées au pays de Brabant pour le fait de la ducesse, dame Jacques.

Aux Pasques, l'an mil iiijc et xxv, entrèrent à Romme les ambassadeurs du daulphin, à deux cens chevaulx, pour rendre au pappe Martin toutte obéyssance; car, par avant, ilz s'estoient tenus à Bénédict avec les Espaignos, les Arragonnois et aultres. En ce temps aussi, de la partie du duc de Brabant, furent publiés par le pays les lettres du pappe contenans que, comme le pappe eult esté adverty que en Brabant et en l'éveschié du Tretli eussent esté publiées certaines lettres ou nom du pappe, à l'esclandre et contre l'onneur du duc de Brabant; comme se le pappe approuvast le mariage du duc de Clocestre et de dame Jacque de Bavière, et que aucuns félons et mauvais eussent faint ces choses estre vrayes, le pappe par ses derrenières lettres donnoit à entendre que oncques les aultres lettres ne procédèrent de luy, ne de son sceu, ains procédoient de hommes plains d'esclandre, non ayans Dieu devant leurs yeulx, qui

quièrent nouvelletez et esmeuvent discentions et esclandes ; vuellans que les coulpables trouvés de telles faulsetez fussent pugnis et excommuniez. Et pour icelle cause en escrip voit-il aux évesques du Trecht, de Liège et de Gambray, pour donner à entendre que telles nouvelles ne venoient de luy, comme dit est1.