Il ost nommé Fihvaticr et Filsvatier dan? M

Quant le duc sceult de vray que les Anglois estaient descendus et les Zellandois joingt avec eulx, il se conclud de descendre de son navire pour les combattre, comme il fist. Mais la descente estoit moult périlleuse; car la mer se commenchoit à retraire; par quoy les gros navires ne povoient approchier la terre, et falloit descendre dedens les bothuins1 ; et les aultres sailloient en l'eaue jusques au col ; laquelle chose estoit moult dangereuse, actendu que les Anglois et Zellandois véoient icelle descente, prez de combattre et rengiez en belle ordonnance et bataille au long d'une dicque, laquelle ilz cuidoient bien garder contre le duc. Et, se fortune ne leur esté contraire, il avoient grant avantage, atendu que ilz estoient hault, et le duc et ses gens estoient sur la grève de la mer. Toutteffoiz, par la grâce de Dieu et la vaillance du duc, ladicte dicque fut concquestée.

A icelle entrée y eult pluiseurs hommes mors et navrez, tant d'un costé que d'aultre. Anglois et Zellandois furent de tous poins assaillis, et tant que la desconfîture tourna de tous poins sur eulx, et commencèrent à fuyr ; mais la plus part d'eulx furent mors ou prins, tant sur la place comme en fuyant. De la part des Bourguignons n'eult pas grant perte, sinon du seigneur de Vallins, Robert de Brimeu, et v ou vj autres nobles hommes.

Après icelle battaille, le duc mist ses garnisons en pluiseurs places tant de Hollande que de Zellande, et s'en retourna en son pays de Flandres, pour assembler gens, pour retourner es dessusdis pays de Hol-