bottslrins ». M. P

lande et Zellande, comme il fîst. Après le partement que le duc fist de Zellande, la ducesse de Glocestre, à tout grosse puissance, assiéga le chastel de Hellant1 ; ouquel estoit, de par le duc, le damoisel de Halzemberghe, messire Rollant d'Uquerque et aucuns autres gentilz hommes et archiers. Quant messire Jehan d'Utquerque, filz de messire Rollant, en fut adverty, doubtant que son père n'eust disette en ceste place, il assembla de ses amis en Flandres, tant que il eult bien.vj02 combatans, et les mena en Hollande pour lever le siège ou entrer en ladicte place ; et de ce avoit adverty son père et de l'eure qu'il y viendroit, affin que ceulx de dedens saillissent sur leurs ennemis, et que ilz les combatissent tous ensamble. Mais la ducesse, qui fut advertie de leur venue, envoya partie de ses gens allencontre d'eulx, et les trouvèrent en ung destroit3 près de la mer, et les ruèrent jus et en occirent pluiseurs. Mais, messire Jehan et aucuns de ses amis, qui estoient derrière, se sauvèrent par fuicte.

Quant les Hollandois furent retournez devers leur dame, elle fist occire tous les Flamens, puis leva son siège, donna congié à ses gens et se retraict en la cité du Trecht4. Entre ces choses, le duc eult grans consaulx en Flandres, avec le duc de Brabant, sur celle guerre. Puis s'en alla à Boulongne, en pellerinage, et retourna en Artois, là où il leva grans aydes d'argent, puis retourna en Flandres ; et lors, vinclrent à luy pluiseurs capitaines de Bourgoingne que il avoit mandez,