CHAPITRE CLI
Comment le roy de Cijppre fut prins à la bataille des Sarrazins, et mené prisonnier au Soudan Baldador; et comment, par finances, il fut eslargi/ de prison, et s en retourna en Cyppre.
En l'an mil iiijc xxvj, Janius, roy de Cippre, sentant son royaulme durement dommagiez du Soudan, manda trois gentilz homs, leur bailla sa couronne et aultres pluiseurs joyaulx vaillisans cm ducas, pour vendre ou emprunter pour soudoyer gens d'armes ; et si envoya devers le grant maistre de Roddes pour avoir son ayde. Puis, en après, envoyaaux Venissiens requerre leurayde, lesquelz luy refusèrent, disans qu'ilz avoient en Surye leurs frères, leurs parens et leurs amis, et finances infinies que ilz pourroient perdre ; et, pourtant, querist ayde aultre part. Et, que plus çst, firent cryer, en toutes leurs seignouries, que nul ne allast en l'ayde du roy de Cippre, sur paine de mort. Il envoya aussi à Romme. Le pappe Martin luy fist délivrer xm ducas; puis, allèrent partie des ambassades devers le roy
d'Arragon qui tenoit, lors, au près de Pise xxv gallées, et fust prest d'aller en l'ayde du roy de Gyppre, se les messagiers eussent eu finance pour payer les gens d'armes. Mais, à leur requeste, il leur bailla partie de ses gens, environ vc combatans, tant Castillans1, comme Espaignolz ; lesquelz furent menez en Cippre sur la navire Anthoine Eugarin, venizien banny de Venize. Aultres pluiseurs gentilz hommes allèrent en l'ayde du roi de Cippre, à leurs despens, oudit an mil iiijc xxvj.
Quant les aydes du roy de Cippre luy furent venues, il en fu moult joeulx, et lors ordonna par bonne manière, attendant tous les jours ses ennemis. Il mist d'une partie les Lombars, les Italyens et les Franchois, et les Allemans d'aultre part; et puis les Espaignols et Castellons d'une aultre part : mais, si ne se vauldrent-ilz oncques tenir en paix. Et estoit le roy bien enbesoingnié d'appaisier les noize et débatz. Durant lesquelz débas les Sarrazins vindrent ariver à grosse puissance à Limesson, et assaillèrent la tour et le prindrent par une faulse posterne que leur enseigna ung faulx crestien baptisié, qui eult esté sarrazins, et estoit cannonier de celle tour; mais il fut occis, et furent prins le capitaine de léans et tous ceulx qui y furent trouvez.
Quant le roy de Cippre en fut adverty, il eult conseil avec ses gens, et luy fut dit, par la plus saine partie, que mieulx valloit pays gasté que pays perdu, et que il se tenist clos en sa ville, sans se mectre aux champs. Mais, les estrangiers furent d'oppinion con-
