M. P. Notre ms. a « Chaslelains

traire et conseillèrent d'aller combattre les ennemis qui si cuellement occioient le peuple crestien. Ceulx-cy obtindrent leur oppinion, sy que l'endemain le roy se mist à cheval pour aller sur ses ennemis. Mais, au premier pas que son cheval se prist à aller, il se agenouilla jusques en terre; et lors encoires, quant son frère, le prince de Gallilée, monta à cheval, son espée luy cheut hors du fourel; dont pluiseurs conchurent grant mal advenir et le tindrent pour prodige. Ce non obstant, le roy s'en alla, ce jour, de Nicosie à Beaulieu, qui est beau lieu et délictable, à quatre lieues près de Nicosie.

Le dimence, vjel jour de juillet, par le roy deCyppre furent veux feux et fumées que les Sarrazins faisoient au pays; dont requirent les seigneurs françois, ailemans et savoyens leur congié pour aller descouvrir leurs ennemis. Et y allèrent si avant que ilz trouvèrent les Sarrazins et les escarmuchèrent durement. Mais, touteffoiz, retraire leur couvint et y laissèrent xxix de leurs gens mors; car les Sarrazins estoient en trop grant nombre; dont, quant le roy les vit retourner, il se prist à chevauchier hastivement, sans ordonnance, à compaignie du prince de Galilée, son frère, du connestable de Jhérusalem, son cousin germain, et de tous les barons de son royaulme. Et, tantost après, encontra ses ennemis sur ung tertre près Dournay et les assailly si vigoureusement que, en pau d'eure, il rua jus leur avant garde. Mais advint que le coursier chut tout à cop si ruddement que les sengles de sa selle

1. M. dit aussi le sixiesme; mais les documents produits par M. de Mas Latrie, dans son Histoire de Vile de Chypre (t. II, p. 53(i, n. 2), établissent quo ce fut le sept.

rompirent. Et comme il cuida remonter pour combatre, comme dessus, la selle tourna tellement que le roy chupt à terre tout plat, et s'en fuy son coursier, sy que par nécessité couvint le roy monter sur ung petit cheval ; car tous ses paiges s'en estoient fuys, à tous ses aultres coursiers. A celle choipt du roy, ses gens, cuidant qu'il fuist mors, se commencèrent à esbahir; et lors les Sarrazins reprindrent ceur et rechargèrent sur eulx, et si s'avanchèrent ceulx de la seconde bataille tellement que il couvint le roy retraire le chemin qu'il estoit allés vers Dournay.

Mais il fut tout à cop avironnez de Sarrazins que il ne peult entrer dedens la ville, et le couvint retraire sur une petite montaigne1 assez avantageuses, et son frère d'en costé luy et toutes ses gens se prindrent à fuyr pour luy saulver; dont luy conseilla son frère qu'il regardast à luy saulver, affin que son royaulme ne fust perdu; et il demouroit illecq, à tout leurs banières, actendant la fortune telle comme Dieu la luy vouldroit envoyer. Le roy luy dist que ce ne feroit-il pas, mais allast rassembler leurs gens le mieulx que il pourroit; et, le plus tost, son frère y alla; mais, tout incontinent, il fut si oppressé de Sarrazins que non obstant sa vaillance et deffence, il y fut occis. Dont, quant le roy vit qu'il estoit du tout abandonnez de ses gens, il descendy de la montaingne pour soy saulver en une vallée là près ; mais ne fut guaires eslongiés, quant il fut tout avironné de Sarrazins et fut abbatu de son cheval. Et l'eussent occis sans remède, se n'eust esté un chevalier de Castelongue nommé messire Gasseran Sonnaris, qui se gecta sur luy, cryant, en langaige

I. « convint le roy retraire sur une petite montaigne ». M. P.

sirois : « C'est le roy ! c'est le roy ! » Dont s'avancha le capitaine des Sarrazins, et au signe de la main, fist à tous les Sarrazins mectre leurs espées sur la terre. Puis, print le roy par la main et luy dist, en grec, que il avoit pieu à Dieu qu'il fust venu en la puissance du souldan ; qu'il se reconfortast , et qu'il le menoit devers luy, espérant qu'il luy feroit bonne compaignie. Ledit messire Gasseran fut prins avec le roy et estoit forment navrez en la teste ; et luy respitèrent la vie pour ce que il s'estoit chevalereusement combatu. Le roy, ainsi prins, ilz luy mirent une chaîne au col et le menèrent, en ce point, là où estoient leurs gens de piet qui le vouloient tuer sans mercy.

Quant les nouvelles vindrent à Nicosie, environ minuyt après la bataille, messire Hues de Lesighon, frère du roy, esleu archevesque de Nicosie, avec luy messire Jacques de Trassain, mareschal de Gyppre, se partirent incontinent de la cité, et enmenèrent avec eulx dame Agnès, fille du roy, et s'en allèrent bouter en la forteresse de Chermes, séant sur la mer, à cincq lieues de Nicosie. Quant ceulx de Nicosie sceurent, l'endemain, ces nouvelles, ilz habandonnèrent la cité et s'en allèrent, hommes et femmes et enfans. Ne demourèrent, en la cité, que povres gens et impotens.

Entre ces choses, le roy fut mené, à Salines, au navire des Sarrazins; et estoit adont ou pays de Batïle, en ung port encrés, le navires du roy de Gyppre dont estoit capitaine messire Jehan, Bastard de Lesighen, et le navire du grant maistre de Roddes où estoient grans plenté de bonnes gens d'armes. Mais ne peurent avoir vent pour approchier Sarrazins; qui fut ung grant méchief ; car, s'ilz fussent venus avant,

jamais les Sarrazins ne fussent descendus à terre. Mesmement estoit venu et arrivé à Baffle Le Bastard de Bourgoingne, le seigneur de Roubaix, Le Barbe de Nodocel, à grant compaignie de gentilz hommes pellerins; lesquelz estoient tous désirans d'estre à ladicte battaille, et leur avoit le roy envoyé des chevaulx ; mais, tout estoit fait avant que ilz partissent de Baffle ; et fut ung grant faulte au roy de soy tant haster qu'il ne les atendy point. Quant monseineur Le Bastard de Bourgoingne fut adverty de la desconfiture, il s'avança de soy remectre en la mer pour rencontrer l'armée des Sarrazins.

Quant le roy de Gippre fut ainsi mené à Salines, le capitaine des Sarrazins, par terre, s'en alla à Nicosie et trouva la ville abandonnée, entra dedens sans contredit et se loga ou palais du roy, puis fist cryer que tout homme revenist sur le sien paisiblement. Sy revindrent tantost en ceste cité plus de xij milles1 personnes. En ce point vint le vent bon pour les François chrestiens à aller par mer sur les Sarrazins; et se avancèrent tellement que ilz veirent l'un l'autre. Mais le capitaine, par mer, des Sarrazins avoit jà mandé au capitaine par terre, à Nicosie, qu'il le venist secourir sur paine de trayson, incontinent sans tarder. Et si avoit constraint le roy de Gyppre escripre au capitaine général de son royaulme, et porta les lettres messire Gasseran dessus nommé, contenant qu'il ne feist quelque entreprise sur les Sarrazins, si chier comme il avoit la vie du roy; car voirement, les Sarrazins eussent le roy tué, se ceulx de Gyppre les