Monstrelet dit : « comme on coppe char, au maisiel
2. Les éditions de M. ont : « et les gectoient sur les espines et sur les hayes ».
baisier la terre à chascune foiz. Lequel Soudan, estant moult pompeusement habillié sur une gallerie [en] hault le fist estre plus d'une heure en sa présence en ce point ; puis le fist mener en une tour où il le fist tenir et luy fist administrer tous vivres, excepté vin. Mais les marchans crestiens luy envoyèrent du vin secrètement.
En ce mesme temps ung marchant genneuois, meu de pittié, requist à ceulx de Gyppre qu'ilz vaussissent envoyer au Caire, et que il avoit espérance que le roy retourneroit brief par finances. Et ce marchant-icy y exploita tellement que, peu de temps après, le roy fut mis à finances, à deux cens1 mil ducas, par telle condicion que il payeroit, tous les ans, pour tribu à perpétuité, au Soudan vra ducas.
En icelluy temps, envoya le grant maistre de Rodes devers le Soudan, pour faire mectre le roy à finances; mais c'estoit jà fait. Ainsi doncques fut mis hors des fers le roy de Cyppre ; et le mandoit souvent le Soudan pour deviser avec luy, et moult luy ennortoit à laissier la foy crestienne ; mais le roy luy fist tousjours si convenable responce que le Soudan fut si content de luy que souvent luy faisoit prendre collation avec luy. Finablement, le jour de la Conversion saint Pol2, Jannus, roy de Cyppre, fut mis hors de prison, et le fist le Soudan logier en la ville, et luy envoyoit souvent des beaux chevaulx pour aller en esbat hors de la ville, où il alloit souvent bien accompaignié de Sarrazins.
1. « retourneroit brief par finances — a deulx cent mil ». M. P. Il y a bourdon dans le ms. de Paris.
2. C'est le 25 janvier; mais M. dit : « le jour del Assumpcion Nosire Dame ».
Et puis, quant la finance fut paiée, il fut du tout délivré; et le jour de Pasques flories ensuivant, monta sur une gallée au port d'Alexandre, que son frère, esleu de Nicosie, lui eust envoiée avec la finance. En la compaignie de la gallée de Rodes, sur laquelle estoit l'admirai de Roddes, s'en allèrent tout droit descendre à Chermes, là où le roy trouva tous les seigneurs et dames de son sang, avec la barronnie et noblesse de son royaulme; lesquelz le receurent moult révérentement, en louant Dieu de ce qu'il estoit retourné de si grant péril; et puis s'en alla à Nicosie. Et après qu'il ot esté à l'église Nostre-Dame rendre à Dieu grâces, il s'en alla logier à Poste! du connestable de Jhérusalem, ouquel il demoura toute sa vie. Et, depuis le trespas de la roy ne Charlotte, ne congnut femme. Je lairay à parler du roy de Cippre et parleray de la ducesse de Clocestre.
