M. dit : « de dix à douze mille

eussent envahis ; et par tant le capitaine ne se mut. Dont néantmoins pluiseurs furent mal content.

Or estoit, en celle armée des Crestiens, une nave de pellerins, lesquelz désirans acquerre loz et honneur, entendant aussi que l'armée des Crestiens assaulroit celle des Sarrazins, se advancèrent si tost et si avant qu'ilz ne peurent retourner; et furent prins en la présence du roy de Cyppre. Furent près tous décoppez par pièces, comme l'on décoppe la char à la boucherie1; car l'armée s'en fust retournée vers Chermes. D'aultre part le capitaine des Sarrazins, par terre, oy le mandement de ses compaignons, pilla toute la cité de Nicosie, et y prist et enmena en captivité jusques à viijm personnes, et iîst bouter le feu dedens le pallaiz royal; puis s'en alla vers Salines, prenant les petis enfans des mamelles de leurs mères, et les jectoient par les champs sur leurs espées2 moult inhumainement. Et quant leurs prisonniers ne povoient aller, ilz leur coppoient les testes. Quant tous furent rassemblez à Salines, ilz montèrent en leurs vaisseaulx et retournèrent en Sirie et en Egipte. Et estoient les povres prisonniers loyés deux ensembles, comme bestes, et faysoient trayner la banière Nostre Dame le chief contre terre ; et le roy mesmes estoit sur ung petit mulet sans selle, loyez de chaisnes de fer, et aux jambes grans fers et pesans ; et en tel point le menèrent devant le souldan Baldador; et le feirent agenoiller devant luy, le chiefz par bas, par ix foiz, et