CHAPITRE CL VI
Du débat pour Féveschiê du Trecht, et de la paix finale qui fut faicte entre le duc de Bourgoingne et dame
1. M. P. — Notre ms., au lieu de ce participe, a l'abréviation « nre ».
[1427] SEIGNEUR DE SALYT-UEMV. 1 35
Jacques de Bavière, qui se maria à messire Frans de Borséle, conte de Ostrevant.
En ce temps estoient deux clercz ou payz, qui se débattoient pour l'éveschié du Trecht; desquelz l'un estoit [de la partie de la ducesse, et estoit] l au gré de ceulx de la cité ; et l'autre estoit du party du duc de Bourgoingne2 et se tenoit avec le duc. Le duc et son évesque s'en allèrent ou pays de Gueldres; et fist le duc alliance contre la ducesse et son évesque. En ce voyage le duc fist assaillir la ville de Deamersfort3, laquelle est de la seignourie du Trecht. Mais ceulx de dedens se deffendirent bien et vaillamment et occirent le seigneur du Bos ; et aultres pluiseurs y furent navrez et bleschiez. Et couvint le duc leissier l'assault; et mist là, entour, es villes de son party, garnison de ses gens, et commist illecq Lyonnel de Bournonville et s'en retourna en Flandres.
Mais pau de temps après, i! s'en r'alla en Hollande, pour ce que la ducesse et ses gens ne cessoient de travaillier les gens de son party. Et finablement, luy venu par delà, se trouvèrent moyens entre luy et la ducesse, tellement que la paix fut faicte; et fut la ducesse menée hounourablement et paisiblement devers sa mère, en Iïaynnau, pourdemourer avec elle, et la acompaigna le duc mesmes. Et fut leur traictié fait par l'advis des trois estas des pays de Haynnau, Hollande, Zellande etFrize. C'est assavoir, que le duc tenroit et cognoistroit ladicte ducesse en Bavière, com-
?. « du party — de Bourgoingne ». M.P. 3. « Amerffort ». M. P.
tesse de Haynnau, Hollande, Zellande et dame de Frize. Et elle, de sa part, véans que elle n'estoit point femme pour garder et deffendre de toutes oppressions envers et contre tous les dessusdis pays, veu les parcialitez qui grans estoient es dessusdis pays de Haynnau, Hollande, Zellande et Frize, congnut le duc, son cousin, pour son vray héritier, gouverneur de toutes ses terres et seignouries ; et, de fait, l'en mist en possession. Duquel traictié pluiseurs gens des dessusdis pays furent moult joyeulx. Et Dieu scet la joye que iceulx duc et ducesse faisoient ensemble, et ne sembloit pas que oncques eussent eu guerre ensemble. Icelle dame, du vouloir du duc, fut mariée à messire Frans du Borsel, duquel, ne d'aultres, elle n'eult nulz enfans. Et tantost après1, alla de vie à trespas; et par ainsi, le duc fut seigneur de toutes les terres dessusdictes.
