CHAPITRE CL VII

De pluiseurs crollementz de terre, qui advindrent en Castelongne, Espaingne et Languedoc ; et la copie de la lettre que le Soudan de Babilone envoya aux seigneurs de la Chrestienneté.

L'an mil iiijc xxvij, par tous le pays de Castelongne, fut grant tramblement de terre, et commença deux

1. En 1436, « environ le mois de novembre », dit Monstrelet ; c'est-à-dire quatre ans après son mariage avec ce Frans du Borsel, qui avait eu lieu vers octobre 1432, comme le dit encore Monstrelet.

jours devant le quaresme, et durajusquesau merqucdy après Pasques. Emprès la ville de Girande ' devers les mons, en une ville nommée Amer, jadis fondée de par le roy Charles le Grant, advint que ung homme vint au curé et luy dist que ung homme estoit là , près ou bois , gisant mallade , qui se vouloit confesser. Dont, quant le curé vint près du bois, il veit grant plenté de noirs moisnes, qui luy sembloit maulvais esperilz. Si regarda derrière luy pour demander à Tomme qui là le menoit, qui estoient ces moisnes; mais ne le veit oncques depuis. Sy retourna le curé tout paoureux en la ville, et dist à l'abbé, qui estoit seigneur de la ville, ce qu'il avoit veu; lequel l'abbé ordonna tout incontinent faire une noble procession au dehors de la ville ; et y allèrent hommes, femmes et enffans, deschaulx et les chiefz nudz, moult dévotement. Et ne demourèrent en la ville, si non ung boulengier et son varlet ; mais, tandis que la pourcession se faisoit autour de la ville, advindrent en la ville si grans crollemens de terre que, quant la pourcession y retourna, ilz trouvèrent l'abbaye et tous les édiffices de la ville trébuschiez par terre.

Aucuns jours après, ladicte ville de Gironde et Brachinone trébuchèrent de xviij à xx villages, que villes, et pluiseurschasteaulx. En une ville nommée Besobo, à deux lieues près de cette ville d'Amer, la terre fendy en pluiseurs lieux et y effonsèrent xl grosses maisons si parfond que on n'y savoit trouver fons. Encore d'emprès cette ville fondit ung grant champ semé de fourment qui est devenu ung grant lacq