I . C'est Girone, en Catalogne
d'eaue; et une partie de celle eaue est chaulde. En celle eaue avallèrent les voisins une corde, et au bout d'icelle une pièce de ploncq ; mais ilz n'y trouvèrent ne peurent trouver Ions.
En la sepmaine péneuse, entre la ville d'Amer et le bois, fendy la terre si parfonde que on n'y véoit point de fons, et y furent péries maintes bestes sauvages. En une grande abbaye, à vij lieues près de Brachinone, fut amené un démoniacque pour estre conjuré selon la coustume du lieu; lequel, constraint par les conjuracions, congnut qu'il eult esté avec les mauvails esperilz qui eulrent destruit la ville d'Amer. Dist, oultre, qu'ilz eurent eu octroy de Nostre Seigneur de faire pluiseurs maulx au monde, se aucuns crestiens ne les eussent empeschiez par leurs pénitences et oroisons, et par leurs processions.
En ce mesme temps, en Espaigne, advinrent grans crollemens de terre, sy que pluiseurs villes trébuchèrent. En Galice, yssirent d'un bois grans serpens, lesquelz, par le conduit d'un loup, entrèrent en une ville de vjc maisons et y englouttèrent moult cruellement hommes, femmes et enfans, et aultres bestes. Semblables crollemens de terre advindrent en Languedoc, en pluiseurs lieux, et encoires plus grans advindrent es pays oultre mer.
S'ensieult la coppie d'unes lettres que le souldan de Babilonne envoya, oudit an, aux seigneurs de la Crestiéneté :
« Baldadory, filz d'Aire, connestable de Jhérico, « prévost de paradis terrestre, nepveu des dieulx, « roy des roys, prince des princes, souldan de Babi- « lone, de Baldach, de Perse, de Jhérusalem, de Cal-
« dée, de Barbarie ; prince d'Auffricque et d'Yrcanyne ; « seigneur de Siches, des Anices, des Payens et des « Martains ; maistre Anthipolet, advoué d'Amasonne, « gardien des Isles, doyen des abbayes, commandeur « des temples, froisseur des heaulmes, percheur des « haubers, rompeur des harnois, fendeur d'escus, « briseur de lances, lanceur de glaives, effondreur « de destriers, trespercheur de presses, destruiseur « de chasteaulx et de forteresses, fleur de chevalerie, « sengler de hardiesse, aygle1 de largesse, crémeur « des ennemis, espérance d'amis, recouvreur des des- « confiz, conserveur2 des Juifz, occiseur des Crestiens, « gardien des Sarrazins, estandart de Mahommet, « seigneur de tout le mondes, aux rois d'Allemaingne, «de France et d'Angleterre; à tous ducz, contes « et généralement à tous ceulx ausquelz nostre dé- « bonnaireté est advenir, salut , en nostre grâce. « Comme il soit loisible de relenquir erreur par « sagesse qui veult, vous mandons que ne tardez de « venir vers nous, et relever voz fiefz et terres [de « nostre seigneurie]3, en regnyant vostre Dieu et la « foy crestienne; délaissanz voz erreurs en quoy, « vous et voz devanciers, avez esté enveloppez trop
1. M. — Nos mss. de Saint-Remy ont «angle », et les éditions de Buchon, en français moderne, « ange » ; expression qui fait assez singulière figure au milieu de tous les titres que se donne le soudan, pour commander aux Chrétiens de renoncer à leur foi. Le Monstrelet-Chaudière ajoute à ces titres celui d' « animal d'Arcadie », à la place de « prince d'Ircanie » ou « Yrcanyne », selon l'orthographe de nos mss.; et son errala n'a pas de corrections sur cet endroit. Mais il est le seul.
