CHAPITRE GLIX

Comment la Pucelle, Jehanne, vint en bruyt et fut amenée au siège oV Orléans ; comment elle saillist, avecques les François, sur les Anglois; et le siège abandonné.

Or, couvint-il parler de une adventure qui advint en France; la non pareil que, comme je croy, y advint, oneques. Vray est qu'en ung village, sur les marches de Lorraine, avoit ung homme et une femme mariez ensemble qui eurent pluiseurs enfans; entre lesquelz eulrent une fille qui, de l'eage de vij à viij ans, fu mise à garder les brebis aux champs, et long temps fist ce mestier. Or, est vray qu'elle peut dire du temps qu'elle avoit ou povoit avoir xviij ou xx ans, qu'elle avoit souvent révélacion de Dieu ; et que devers elle venoit la glorieuse Vierge Marie, à compaignie de pluiseurs angèles, saint et sainttes ; entre lesquelz elle nommoit madame sainte Catherine, et David le prophète à tout sa harpe, laquelle il sonnoit mélodieusement. Et, en fin, disoit que, entre les aultres choses, elle eut révélacion de Dieu, par la bouche de la Vierge Marie, qu'elle se meist sus en armes, et que, par elle, Charles, daulphin de Viennois, seroit remis en sa terres et seignourie, et que elle le menroit sacrer et couronner à Rains.

Icelles nouvelles vindrent à ung gentil homme de la Marche, lequel le arma et monta et le mena au siège d'Orléans, allencontre des Anglois qui tenoient le

144 CHRONIQUE DE JEAN LE FÉVRE [1 42î8]

siège. Si fist assembler Le Bastart d'Orléans et pluiseurs aultres capitaines ausquels il compta ce que icelle fille, nommée Jehenne la Pucelle, disoit. Et de fait fut interroghie de pluiseurs sages et vaillans hommes, lesquelz se boutèrent en foy de le croire, et adjoustèrent en icelle si grant foy qu'ilz abandonnèrent et mirent leurs corps en toutes adventures avec elle. Et est vray que, ung jour, elle leur dist qu'elle vouloit combattre les Anglois, et assembla ses gens, et se prinst de assaillir les Anglois par la plus forte bastille que ilz tenoient1, que gardoit ung chevalier d'Angleterre, nommé Cassedag. Icelle bastille fut par ladicte Pucelle et les vaillans homme assaillie et prinse de bel assault; et, là, fut Cassedag mors; qui sembla chose miraculeuse, veue la force de ladicte bastille et les gens qui le gardoient.

Le bruit courut, par l'ost des Anglois, de la prinse de ladicte bastille; et finablement, quant ilz oyrent dire que ladicte Pucelle avoit fait ceste emprinse, ilz en furent moult espoventez, et disoient entre eulx qu'ilz avoient une prophésie qui contenoit que une pucelle les debvoit débouter hors de France, et de tous poins les deffaire. Si levèrent leur siège et se repayèrent en aucunes places de leurs obéissance, environ ladicte ville d'Orléans. Entre lesquelz Angloiz le conte de Suffort et le seigneur de La Poulie, son frère, se tindrent à Gorgueau. Mais, ne y furent guaires que icelle ville fut prinse d'assault; et là, fut ledit seigneur de Poulie mort et pluiseurs Anglois. La puissance desdis Anglois s'assemblèrent pour retourner à Paris