M. la nomme : « la bastille de Saint-Leup

devers le régent; mais ilz furent de si près sieuvys des Daulphinois qu'ilz se trouvèrent en bataille, l'un devant l'autre, auprès d'un village en Beausse, qui se nomme Patte.

Or, advint qu'ilz cuidèrent prendre place plus avantageuse que celle où ilz estoient, et partirent de leur place. Mais, Daulphinois frappèrent dedens tellement qu'ilz les deffirent, et de tous poins les desconfirent. Là furent prins le conte de Susfort, le seigneur de Tallebot et tous les capitaines, excepté messire Jehan Bascot, lequel s'en alla; dont il eult depuis grant reproche, pour ce qu'il estoit chevalière de la gartière. Touteffoiz, il s'excusa fort, disant que, se on l'eust voulu croire, la chose ne fust pas ainsi advenue de leur part. Ainsi furent Anglois desconfis; et se nomma icelle battaille : « la battaille de Patte. »