M. P. a : « ballence

compaingnie qui alla au devant de ladicte infante d'Arragon, fut l'infante de Portingal, qui depuis fut ducesse de Bourgoingne, à compaignie de son frère, l'infandon Henry, et de pluiseurs dames et damoiselles; toutes icelles compaignies richement habillées, tant hommes que femmes. Ladicte infante de Portingal avoit, par dessus sa vesture, ung riche manteau fendu aux deux costés, ung chapperon en gorge de velours bleu, et, dessus, ung chappelde Brabant, brochié d'or; et cuidoient aucun que se fust ung chevalier. Et quand à l'infandon Henry, qui acompagnoit sa seur, ce jour, se trouva habillié en filz de roy ; et avoit après luy xxxj pages montez sur chevaulx richement couvers et vestus; lesdis pages aournés d'orphaverie, de draps d'or et de soye; et povoient estre de vij à viijc chevaulx1.

Or, est vray que, environ demy lieue de ladicte ville d'Ostremoulx , ladicte infante de Portingal rencontra l'infante d'Arragon ; et là se firent grans honneurs à recevoir ladicte infante d'Arragon. La quarte compaignie, qui alla au devant de ladicte infante d'Arragon , fut le roy de Portingal à compaignie de l'ung de ses filz, nommé l'infandon Jehan, du contes de Varselles, de pluiseurs archevesques et évesques, prélatz, gens de conseil, et noble chevalerie. Le roy estoit monté sur ung moult beau coursier gas2. Après luy iiij compaignons, montés sur chevaulx royaulx, vestus de drap de damas vermeil et blanc, et povoit avoir en sa compaignie mil chevaulx; et très gracieusement receut sa belle