gris ». M. P

fille, ladicte infante, laquelle luy vautbaisier la main; mais le roy de Portingal ne le vault point sousfrir. Là avoit ung chevalier qui fist atacher ung cordon d'or très riche et de soye au fraing de la monture de ladicte infante d'Arragon. Et, ce fait, le roy de Portingal prist le cordon; mais, tantost saillèrent à terre dix, que barrons, que grans seigneurs, pour tenir icelluy cordon, et pour acompaigner ladicte dame; et, auprès de ladicte ville d'Estremoux, les seigneurs du sang royal de Portingal descendirent de leurs chevaulx et tous à piet acompaignèrent ladicte infante.

A l'entrée de la porte de ladicte ville se feirent pluiseurs esbattemens de mistères. Ladicte ville estoit tendue de draps des couleurs du roy de Portingal ; c'est assavoir, chiel en hault, les parrois et la chaucie tellement que tout estoit couvert, hault et bas. Après les oroisons faictes en l'église, le roy de Portingal mena ladicte infante d'Arragon en son chastel, qui moult richement estoit aourné de toutes choses. Là, avoit ung riche dressoir en la salle où le soupper se fist, chargié de vaisselle dorée et blanche. Et, au regart des metz et entremetz, qui belle chose estoit à veoir, et du service que on y faisoit, que vous diroye? Ce fut ung soupper royal, servy de tant de metz et entremetz que belle chose et grant plaisir estoit à le veoir et regarder K Et , le jour de Noël , infante fut menée en la grant église , et la menoit le roy de Portingal. Et là avoit grant seignourie de ducz, de contes et de barrons, gens d'église, dames et damoiselles. Et

1. « Et au regars des mes et entremetz — que belle chose estoit à le venir ri regarder ». M. P.

là estoient officiers d'armes, trompettes et klarons, et aultres ménestreux.

Et après le divin service fait, fut ramenée en sa chambre ; et tantost après, le roy l'ala quérir et l'amena [en la salle]1 moult ricement parée. Le roy s'assist à table, et au dessus de luy ladicte infante, et à son sénestre sa fille, infante de Portingal. Le roy fut servy de ses iiij enfans ; c'est assavoir, l'infandon Piettre, l'infandon Henry, l'infandon Jehan et l'infandon Ferrand, qui moult humblement servirent. Et quant au regard des metz et entremetz, pavons et aultres oyseaulx revestus et armoyez, entre lesquelz y eult v banières de cincq royaulmes ; premiers d'Angleterre, de Gastille [de Portingal]2 et de Navarre, et d'Arragon; puis, sonnèrent pluiseurs trompettes et ménestreux.

Et, ce fait, fut amené ung coursier couvert des devises du roy de Portingal, et dessus icellui coursier avoit ung sacq, et dedens [ce sacq]3 xlm royaulx4. Et avec ce, avoit ung cheval houchié de velours bleu, sur quoy le roy d'armes [de Portingal]5, monta et alla devant la grant table; et, là, descendit et merchia le roy de Portingal bien hounourablement des xlm royaulx qu'il avoit donné aux officiers d'armes, trompettes et ménestreux. Puis remonta sur son cheval et

4. Notre ms. a, en marge, de la même main : « xl™ royaulx, « monnoye de F'ortugal, font et valent cent ducatz à la raison de « quatre cens royaulx pour le ducat. »

crya « largesse », par trois foiz, au roy de Portingal.

En ce mesme jour, le roy de Portingal mena sa belle fille, infante d'Arragon, au logis de Saint-François où estoït son aisné filz, Edouart, dont encores cy n'a esté faicte mencion. Chevaulx furent amenés ; pour ladicte infante d'Arragon estoit ordonnée une blance haghenée moult richement garnie de riche tissu d'or cramoisy ; et, avec ce, dréchié bordures de perles pour le monter à cheval. Et furent auprès d'elle les infandon Piettre, duc de Guimbre, et l'infandon Henry, duc de Viseu, qui tenoient une tablette d'argent bien dorée et richement ouvrée, sur laquelle ladicte infante monta sur la hagenée. Et, elle montée, les dessusdis infandon Piettre et don Henry prindrent au destre et sénestre la bride de sa dicte haghenée, et ainsi à piet le menèrent. Et d'arrière iceulx d'eux estoient, tant à dextre comme à sénestre, les infandon Jehan et don Ferande, les contes d'Orin et de Réolles et de Barselles, don Allephonce, don Sansse, don Henry de Gastille, et pluiseurs aultres grans seigneurs, chevaliers et escuiers.

Après, estoient les dames et damoiselles, et tout à pied, excepté le roy et ladicte infante ; et, pour ce que il estoit nuyt, y avoit de cent à vjxx torches. Et est vray que dame Ysabel, fille du roy de Portingal, estoit devant, au lieu des Cordeliers, à compaignie du conte de Berselles, de pluiseurs prélatz et seigneurs, pour recevoir sa belle seur, l'infante d'Arragon. A l'entrée du monastère, le roy descendy de son cheval, et l'infante d'Arragon fut descendue par les iiij infans, don Piettre, don Henry, don Jehan et don Férande, par eulx menée en sa chambre, qui moult richement

estoit parée. Et le roy de Portingal, et ses enffans, se retirèrent en une grant salle ; et fut là apporté le vin, par manière de collacion, et fut le roy servy de son maisné filz, l'infant don Férande. Après, fut servy l'infandon Piettre; après, l'infandon Henrie et l'infandon Jehan, par grans seigneurs de leurs lignage, tant de dragiries, de vin que de la serviette, et cetera. Et, ce fait, le roy retourna en son chastel à compaignie de ses enffans et seigneurs de son sang. Et après que le roy fut en sa chambre, les enffans du roy et tous les chevaliers et escuiers du sang royal retournèrent devers ladicte infante d'Arragon; et en une belle grande salle s'assemblèrent, où là furent dansses de pluiseurs instrumens, et aussi de chançons. Et après les dances s'apportèrent vin et espices, où les enffans don Piettre, don Henry, don Jehan, et don Férande servirent leur aisné frère, don Edouart, et leur belle seur, l'infante d'Arragon. Et ce fait, chascun s'en retourna honnourablement à son logis.

A l'endemain se fîst ung grant disner que l'infandon Edouart, seigneur des nopces, fist, où le roy de Portingal, son père, fut, moult bel et solempnel, de tous services tel et si grans que chascun peult penser. Et ainsi se passa la noble feste du dessusdit infand Edouart et de ladicte infante d'Arragon ; lequel infand Edouart fut, depuis, roy de Portingal; et de celle dame eult de beaux enfans dont l'aisné fut roy de Portingal qui, en l'an mil iiijc lxv, estoit tenu l'un des vaillans princes de la Ghrestiéneté, et qui fîst de belles concquestes sur les Sarrazins es pays d'Auffricque ; comme icelles sont bien à plains déclarées es cronic-

ques qui en font mention1. A tant en lairay à parler, et parleray du duc et de madame Ysabel de Portingal.